କନକ ବ୍ୟୁରୋ : ବିଦ୍ୟୁତ ସରବରାହରେ ତ୍ରୁଟି । ଜଳିଗଲା ଦଶଜଣ ଉପଭୋକ୍ତାଙ୍କ ଲକ୍ଷ ଲକ୍ଷ ଟଙ୍କାର ବୈଦ୍ୟୁତିକ ସାମଗ୍ରୀ । ଗଂଜାମ ଜିଲ୍ଲା ଆସିକା କଲେଜ ଛକ ନିକଟସ୍ଥ ମହାରଣା ସାହିରେ ଘଟିଛି ଅଘଟଣ। ଘରେ ଥିବା ଟିଭି, ମିଟର ଏସି, ଫ୍ରିଜ ସବୁକିଛି ଜଳିଯାଇ ନଷ୍ଟ ହୋଇଯାଇଥିବା ଦେଖିବାକୁ ମିଳିଛି । ହଠାତ ୪୪୦ ଭୋଲଟ ବିଦ୍ୟୁତ ପ୍ରବାହିତ ହୋଇଯିବାରୁ ଏଭଳି ପରସ୍ଥିତି ସୃଷ୍ଟି ହୋଇଛି। ଏପରିକି ଘରେ ଥିବାବେଳେ ବହୁତ ଲୋକଙ୍କୁ ବିଦ୍ୟୁତ ଆଘାତ ମଧ୍ୟ ଲାଗିଛି। ଫଳରେ ସ୍ଥାନୀୟ ଲୋକେ ଅଭିଯୋଗ ଜଣାଇବାକୁ ଟିପିଏସଓଡିଏଲ ଅଫିସକୁ ଯାଇଛନ୍ତି । ନଷ୍ଟ ହୋଇଯାଥିବା ସାମଗ୍ରୀ ପାଇଁ କ୍ଷତିପୂରଣ ଓ ଆଗକୁ ଏଭଳି ସମସ୍ୟା ଯେମିତି ସୃଷ୍ଟି ନହେବ ସେନେଇ ଦାବୀ କରିଛନ୍ତି ସ୍ଥାନୀୟ ଲୋକେ।