‘ସୁଭଦ୍ରା’ର ଫାଇନାଲ ଗାଇଡଲାଇନ

କନକ ବ୍ୟୁରୋ: ଜିଲ୍ଲାପାଳ ନିକଟକୁ ପଠାଗଲା ସୁଭଦ୍ରାର ଫାଇନାଲ ଗାଇଡଲାଇନ । ମହିଳା ଓ ଶିଶୁ ବିକାଶ ବିଭାଗ ସଚିବ ଚିଠି ଲେଖି ସମସ୍ତ ଗାଇଡଲାଇନ ସମ୍ପର୍କରେ ଜିଲ୍ଲାପାଳଙ୍କୁ ଅବଗତ କରାଇଛନ୍ତି । କେଉଁମାନେ ସୁଭଦ୍ରା ଯୋଜନାରେ ଲାଭ ପାଇବେ ଓ କେଉଁ ମାନଦଣ୍ଡ ପୂରଣ କଲେ ହିତାଧିକାରୀ ଅଯୋଗ୍ୟ ଘୋଷିତ ହେବେ ତାହା ଗାଇଡଲାଇନରେ ଉଲ୍ଲେଖ ରହିଛି । ସୁଭଦ୍ରା ଯୋଜନାର ହିତାଧିକାରୀ ଚୟନ ପାଇଁ ଜିଲ୍ଲା ଓ ବ୍କକ ସ୍ତରୀୟ କମିଟି ଗଠନ କରାଯିବ । ଏହି କମିଟି ସୁଭଦ୍ରା ଯୋଜନାର ହିତାଧିକାରୀ ବାଛିବ । ଉଭୟ ଅଫଲାଇନ ଓ ଅନଲାଇନରେ ସୁଭଦ୍ରା ଯୋଜନା ପାଇଁ ଆବେଦନ କରିପାରିବେ ମହିଳା । ଗୋଟିଏ ପରିବାରର ଏକାଧିକ ମହିଳା ମଧ୍ୟ ଏହି ଯୋଜନାରେ ଲାଭ ପାଇବେ ବୋଲି ଘୋଷଣା କରିସାରିଛନ୍ତି ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡା । ୫ ବର୍ଷରେ ୧୦ଟି କିସ୍ତିରେ ପ୍ରତ୍ୟେକ ହିତାଧିକାରୀଙ୍କୁ ୫୦ ହଜାର ଟଙ୍କା ଦେବେ ମୋହନ ସରକାର । ୨୧ରୁ ୬୦ ବର୍ଷର ମହିଳା ଏହି ଯୋଜନାର ଲାଭ ପାଇବେ।

‘ସୁଭଦ୍ରା’ ପାଇଁ ଗାଇଡଲାଇନ

ହିତାଧିକାରୀଙ୍କ ବୟସ ୨୧ରୁ ଅଧିକ ଓ ୬୦ବର୍ଷରୁ କମ୍ ହୋଇଥିବା ଆବଶ୍ୟକ
ମହିଳାଙ୍କ ନାମରେ ଆଧାର କାର୍ଡ, ଆଧାର ନମ୍ବର ଥିଲେ ଯୋଗ୍ୟ ବିବେଚିତ
ମୋବାଇଲ ନମ୍ବର ଆଧାର କାର୍ଡ ସହ ଲିଙ୍କ୍ ଆବଶ୍ୟକ
ସମସ୍ତ ହିତାଧିକାରୀଙ୍କୁ ‘ସୁଭ୍ରଦା’ କାର୍ଡ ଦିଆଯିବ
ବାର୍ଷିକ ଦୁଇଟି କିସ୍ତିରେ ପାଇବେ ୧୦ହଜାର ଟଙ୍କା
୫ ବର୍ଷରେ ମୋଟ ୫୦ହଜାର ଟଙ୍କା ପାଇବେ ହିତାଧିକାରୀ
ବ୍ୟାଙ୍କ ଆକାଉଣ୍ଟକୁ ସିଧାସଳଖ ସହାୟତା ଟଙ୍କା ପ୍ରଦାନ କରାଯିବ
ପରିବାରର ସବୁ ଯୋଗ୍ୟ ମହିଳାଙ୍କୁ ଟଙ୍କା ଯୋଗାଇ ଦିଆଯିବ
ସଂଶୋଧିତ ଗାଇଡଲାଇନରେ ରାସନାକାର୍ଡଧାରୀ ପରିବାରକୁ ଲାଭ ମିଳିବ
ବାର୍ଷିକ ଅଢ଼େଇ ଲକ୍ଷ ଟଙ୍କାରୁ କମ୍ ଆୟ ପରିବାର ପାଇବେ ସୁବିଧା
ସଂଶୋଧିତ ଗାଇଡଲାଇନ୍ ପରେ ବହୁ ନିମ୍ନ ମଧ୍ୟବିତ୍ତ ପରିବାର ବାଦ୍ ପଡ଼ିବା ଆଶଙ୍କା