ବନ ମହୋତ୍ସବ ପାଳିଲେ ଡିସୋଜା ବିଦ୍ୟାଳୟର ଛାତ୍ରଛାତ୍ରୀ, ଜାଣନ୍ତୁ କଣ ଥିଲା ଉଦେଶ୍ୟ

ସେକ୍ଟର -୨ ସ୍ଥିତ ଡିସୋଜା ବିଦ୍ୟାଳୟର ଆଜି ବନ ମହୋତ୍ସବ ବିଦ୍ୟାଳୟ ପ୍ରାଙ୍ଗଣରେ ପିଲାମାନଙ୍କୁ ନେଇ ପାଳନ କରାଯାଇଛି । ବିଦ୍ୟାଳୟର ଅଧ୍ୟକ୍ଷା ଜୟୋତି ଗୁରୁଞ୍ୱାରା, ସହ ଅଧ୍ୟକ୍ଷା ଜୟିତା ନାୟକଙ୍କ ମାର୍ଗ ଦର୍ଶନରେ କାର୍ଯ୍ୟକ୍ରମ ଟି ସଫଳ ହୋଇପାରିଛି । ବିଦ୍ୟାଳୟର ସବୁ କ୍ୟାବିନେଟ ସଦସ୍ୟମାନେ, ପ୍ରତ୍ୟେକ ଶ୍ରେଣୀର ମନିଟର, ଏବଂ ଶ୍ରେଣୀ ସୁପର ଭାଇଜର ମାନଙ୍କୁ ନେଇ ଶୃଙ୍ଖଳିତ ଭାବେ ବୃକ୍ଷ ରୋପଣ କାର୍ଯ୍ୟକ୍ରମ ଟି ସମ୍ପନ୍ନ ହୋଇଥିଲା ।  ଛାତ୍ରଛାତ୍ରୀମାନେ ବନ ମହୋତ୍ସବର ସ୍ଲୋଗାନ ଓ ବିଭିନ୍ନ ପ୍ଲାକାର୍ଡ ବନେଇ ସମସ୍ତଙ୍କ ଉତ୍ସାହ ବଢ଼ାଇ ଥିଲେ ।  କାର୍ଯ୍ୟକ୍ରମରେ ନର୍ସରୀରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ  ଛାତ୍ରଛାତ୍ରୀମାନେ ନିଜ ନିଜ ଶ୍ରେଣୀ ଶିକ୍ଷୟିତ୍ରୀଙ୍କ ସହ ଶୃଙ୍ଖଳିତ ଭାବେ କାର୍ଯ୍ୟକ୍ରମଟିକୁ ଦେଖିଥିଲେ ।