ଭୁବନେଶ୍ୱର-ଝାରସୁଗୁଡ଼ା ମଧ୍ୟରେ ଉଡ଼ିବ ଷ୍ଟାର୍ ଏୟାର, ୧୫୯୯ ଟଙ୍କାରୁ ଆରମ୍ଭ ଟିକେଟ୍

କନକବ୍ୟୁରୋ : ୧୬ ଅଗଷ୍ଟରୁ ଭୁବନେଶ୍ୱର – ଝାରସୁଗୁଡା ବିମାନ ସେବା ଆରମ୍ଭ କରୁଛି ଷ୍ଟାର ଏୟାର । ଭୁବନେଶ୍ୱରରୁ ଝାରସୁଗୁଡା ପାଇଁ ଟିକେଟ୍ ମୂଲ୍ୟ ୧୫୯୯ ଟଙ୍କାରୁ ଆରମ୍ଭ , ଓ ଫେରସ୍ତ ପାଇଁ  ୧୪୯୯ ଟଙ୍କା । ବେଙ୍ଗାଲୁରୁ, ୨୩ ଜୁଲାଇ ୨୦୨୫ – ଅଞ୍ଚଳୀୟ ସଂଯୋଗକୁ ଅଧିକ ମଜଭୁତ କରିବା ପଦକ୍ଷେପ ରୂପେ, ଷ୍ଟାର ଏୟାର ଆସନ୍ତା ୧୬ ଅଗଷ୍ଟ ୨୦୨୫ ରୁ ବିଜୁ ପଟ୍ଟନାୟକ ଆନ୍ତର୍ଜାତୀୟ ବିମାନବନ୍ଦର ଭୁବନେଶ୍ୱର (BBI) ରୁ ତାଙ୍କର ବିମାନ ସେବା ଆରମ୍ଭ କରିବାକୁ ଘୋଷଣା କରିଛି । ଏହି ନୂତନ ରୁଟ୍ ଦ୍ୱାରା ଭୁବନେଶ୍ୱର ଓ ଝାରସୁଗୁଡା (JRG) ମଧ୍ୟରେ ସରଳ ଓ ସୁବିଧାଜନକ ବିମାନ ଯାତ୍ରା ସୁନିଶ୍ଚିତ ହେବ । ଆରମ୍ଭ ହେଉଥିବା ଟିକେଟ୍ ମୂଲ୍ୟ ବି ଅତ୍ୟନ୍ତ ଆକର୍ଷଣୀୟ ଭାବରେ ରଖାଯାଇଛି ।

ସିଧାସଳଖ ଭାବେ ଝାରସୁଗୁଡାକୁ ଭୁବନେଶ୍ୱର ସହ ଯୋଡିବା ଏହା ଏକ ମହତ୍ତ୍ୱପୂର୍ଣ୍ଣ ପଦକ୍ଷେପ । ଯାହା ଓଡ଼ିଶାର ଅଞ୍ଚଳୀୟ ସଂଯୋଗ ବୃଦ୍ଧି ସହିତ ଆର୍ଥିକ ବିକାଶରେ ବି ଗୁରୁତ୍ୱପୂର୍ଣ୍ଣ ଭୂମିକା ନିଭାଇବ । ପଶ୍ଚିମ ଓଡ଼ିଶାର ଶିଳ୍ପ ଗଡ଼ ଭାବରେ ପରିଚିତ ଝାରସୁଗୁଡା, କୋଇଳା, ଏଲୁମିନିଅମ୍ ଓ ଥର୍ମାଲ୍ ପାୱାର୍ ଇଣ୍ଡଷ୍ଟ୍ରିର ମୁଖ୍ୟ କେନ୍ଦ୍ର । ସେହିପରି, ରାଜଧାନୀ ଭୁବନେଶ୍ୱର ଓଡ଼ିଶାର ପ୍ରଶାସନିକ, ଶିକ୍ଷାନୁଷ୍ଠାନ ଓ ଆଇଟି ହବ୍ ରୂପେ ପରିଚିତ ।

The flight schedule 
FLT#    SECTOR    STD    STA    A/C TYPE    SEATS    DAYS
S5 605    JRG-BBI    19:20    20:05    EMB-175    76    Tue, Thu, Fri & Sat
S5 606    BBI-JRG    20:30    21:15    EMB-175    76    Tue, Thu, Fri & Sat
S5 605    JRG-BBI    11:45    12:30    EMB-175    76    Wed
S5 606    BBI-JRG    13:00    13:45    EMB-175    76    Wed

ଉଦ୍‌ଘାଟନ ଅବସରରେ  ଷ୍ଟାର ଏୟାରର ଚିଫ୍‌ କମର୍ସିଆଲ ଆଣ୍ଡ୍‌ ମାର୍କେଟିଙ୍ଗ୍‌ ଅଫିସର (CCMO) ଶ୍ରୀମତୀ ଶିଳ୍ପା ଭାଟିଆ କହିଛନ୍ତି : "ଭୁବନେଶ୍ୱରରୁ ଆମେ ଆମର ସେବା ଆରମ୍ଭ କରିବାକୁ ଅତ୍ୟନ୍ତ ଉତ୍ସାହିତ । ଏହି ନୂତନ ରୁଟ୍ ମାଧ୍ୟମରେ ଝାରସୁଗୁଡା ଓ ଭୁବନେଶ୍ୱର ମଧ୍ୟରେ ନିକଟତମ ସଂଯୋଗ ସ୍ଥାପିତ ହେବା ସହ, ଓଡ଼ିଶାର ଅନ୍ତର୍ନିମ୍ନ ଅଞ୍ଚଳ ସଂଯୋଗ ବୃଦ୍ଧି ପାଇବ । ସହଜ, ସୁଲଭ ଓ ସୁବିଧାଜନକ ଆଞ୍ଚଳିକ ଯାତ୍ରା ପ୍ରତି ବର୍ଦ୍ଧିତ ଚାହିଦାକୁ ଧ୍ୟାନରେ ରଖି ଏହି ସେବା ଆରମ୍ଭ କରାଯାଇଛି । ଷ୍ଟାର ଏୟାରରେ , ଆମେ ସଦା ସର୍ବଦା ସଂଯୁକ୍ତ ନଥିବା ଅଞ୍ଚଳଗୁଡିକୁ ଯୋଡ଼ିବାରେ ପ୍ରତିବଦ୍ଧ ଓ ଭାରତର ବିମାନ ସେକ୍ଟରର ପ୍ରକୃତ ସମ୍ଭାବନାକୁ ଉନ୍ମୋଚନ କରିବା ପ୍ରତି ଉତ୍ସର୍ଗୀକୃତ ।"

ଭୁବନେଶ୍ୱରରେ ଷ୍ଟାର ଏୟାରର ପ୍ରବେଶ ଦକ୍ଷିଣ ଓଡ଼ିଶାର ବ୍ୟବସାୟ ଓ ପର୍ଯ୍ୟଟନ ଯାତ୍ରୀମାନଙ୍କ ପାଇଁ ଗୋଟିଏ ସମ୍ପୂର୍ଣ୍ଣ ଓ ସୁବିଧାପୂର୍ଣ୍ଣ ବିମାନ ଯାତ୍ରା ଅନୁଭବକୁ ନିଶ୍ଚିତ କରିବ । ଇମ୍ବ୍ରାଏର E175 ବିମାନରେ ଆଧୁନିକ ବୈଶ୍ୱିକ ସେବା ଓ ଆରାମଦାୟକ ଆସନ ବ୍ୟବସ୍ଥା ସହିତ ଯାତ୍ରୀମାନେ ବର୍ତ୍ତମାନ ଅତ୍ୟନ୍ତ ମିତବ୍ୟୟୀ ମୂଲ୍ୟରେ ଏକ ଆରାମଦାୟକ ଯାତ୍ରା ଉପଭୋଗ କରିପାରିବେ । ଟିକେଟ୍ ବୁକିଂ ବର୍ତ୍ତମାନ www.starair.in ଓ ଅନ୍ୟାନ୍ୟ ଅଗ୍ରଣୀ ଟ୍ରାଭେଲ୍ ପ୍ଲାଟଫର୍ମରେ ଉପଲବ୍ଧ ଅଛି ।