ଭବାନୀପାଟଣାରେ ଛାତ୍ରଙ୍କୁ ଛୁରାମାଡ଼ ଘଟଣା : କ୍ରୀଡ଼ା ଶିକ୍ଷକଙ୍କ ସହ ୪ ନାବାଳକ ଗିରଫ

କନକ ବ୍ୟୁରୋ : ସ୍ବାଧୀନତା ଦିବସରେ ଭବାନୀପାଟଣାରେ ଛାତ୍ରଙ୍କୁ ଛୁରାମାଡ଼ ଘଟଣାରେ ଉତ୍ତେଜନା । ଆଜି ଭବାନୀପାଟଣା ଟାଉନ ଥାନା ସମ୍ମୁଖରେ ଉତ୍ତେଜନାମୂଳକ ସ୍ଥିତି ଦେଖାଦେଇଥିଲା । ଛୁରାମାଡ଼ର ଶିକାର ନାବାଳକଙ୍କ ପରିବାର ସହ ୨୦୦ରୁ ଅଧିକ ପଡ଼ାବାସୀ ଥାନା ଘେରାଉ କରିଛନ୍ତି । ପୁଲିସ କାର୍ଯ୍ୟାନୁଷ୍ଠାନ ବଦଳରେ ସହାନୁଭୂତି ଦେଖାଉଥିବା ଅଭିଯୋଗ କରିଛନ୍ତି । ଗୋଟିଏ ସ୍କୁଲର ପିଲା ଛୁରାମାଡ଼ କରିଥିବା ବେଳେ ପୁଲିସ ଅନ୍ୟ ଏକ ସ୍କୁଲର ପିଲାଙ୍କୁ ଉଠାଇ ଆଣିଥିବା ଅଭିଯୋଗ ହୋଇଛି । ପୁଲିସ ଏହି ଘଟଣାରେ ବିକାଶ ସ୍କୁଲର କ୍ରୀଡ଼ା ଶିକ୍ଷକଙ୍କୁ ଗିରଫ କରିଛି । ୪ଜଣ ନାବାଳକଙ୍କୁ ଜୁଭେନାଇଲ କୋର୍ଟକୁ ଚାଲାଣ କରାଯାଇଛି ।