୧୭ରେ ଓଡିଶା ଆସିବେ ମୋଦୀ : ତା’ ପୂର୍ବରୁ ସୁରକ୍ଷା ଯାଞ୍ଚ ପାଇଁ ଭୁବନେଶ୍ୱରରେ ଏସପିଜି ଟିମ

କନକ ବ୍ୟୁରୋ: ଭୁବନେଶ୍ୱର ବିମାନ ବନ୍ଦରରେ ପହଞ୍ଚିଲେ ଏସପିଜି ଟିମ୍ । ପ୍ରଧାନମନ୍ତ୍ରୀଙ୍କ ଓଡ଼ିଶା ଗସ୍ତ ପୂର୍ବରୁ ରାଜଧାନୀରେ ପହଞ୍ଚି ସୁରକ୍ଷା ସ୍ଥିତି ଯାଞ୍ଚ କରିବେ । ଭୁବନେଶ୍ବର ବିମାନବନ୍ଦରରୁ ସଭାସ୍ଥଳଠୁ ଯାଏଁ ସୁରକ୍ଷା ବ୍ୟବସ୍ଥାର ସ୍ଥିତି ଅନୁଧ୍ୟାନ କରିବେ । ଭୁବନେଶ୍ୱର ଆସିଥିବା ସ୍ପେଶାଲ ପ୍ରୋଟେକ୍ସନ ଗ୍ରୁପ ବା ଏସପିଜି ଟିମରେ ଅଛନ୍ତି ୮ ଜଣ ସଦସ୍ୟ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା ୧୭ ତାରିଖରେ ଭୁବନେଶ୍ୱର ଗସ୍ତରେ ଆସୁଛନ୍ତି । ପ୍ରଧାନମନ୍ତ୍ରୀଙ୍କ ଗସ୍ତ ସମୟରେ ପ୍ରମୁଖ ସୁରକ୍ଷା ଦାୟିତ୍ୱରେ ରହିବେ ଏହି ଏସପିଜି ଟିମ। ଆସନ୍ତାକାଲି ଟିମ ସଭାସ୍ଥଳ ଯାଇ ସୁରକ୍ଷା ବ୍ୟବସ୍ଥା ଯାଞ୍ଚ କରିବ। ପ୍ରଧାନମନ୍ତ୍ରୀ ବିମାନ ବନ୍ଦରରେ ପହଞ୍ଚିବା ଠାରୁ ଜନତା ମୈଦାନ ପର୍ଯ୍ୟନ୍ତ ପୁରା ସୁରକ୍ଷା ଭାର ସମ୍ଭାଳିବ ଏସପିଜି।