ଖରାପ ପାଗ କାରଣରୁ ସ୍ଥଗିତ ହେଲା ନାସାର ମହାକାଶ ଅଭିଯାନ, ମିଶନ ମଙ୍ଗଳର କେବେ ହେବ ପରବର୍ତ୍ତୀ ଉତକ୍ଷେପଣ କରାଯାଇନାହିଁ ସ୍ପଷ୍ଟ

କନକ ବ୍ୟୁରୋ:  ଖରାପ ପାଣିପାଗ କାରଣରୁ ସ୍ଥଗିତ ହେଲା ନାସାର ମିଶନ ମଙ୍ଗଳ । କେବେ ହେବ ପରବର୍ତ୍ତୀ ଉତକ୍ଷେପଣ କରାଯାଇନାହିଁ ସ୍ପଷ୍ଟ । ବ୍ଲୁ ଅରିଜିନ୍ ପକ୍ଷରୁ ରବିବାର ବିଳମ୍ବିତ ରାତିରେ ଏହି ସୂଚନା ଦିଆଯାଇଛି। ମଙ୍ଗଳ ଗ୍ରହକୁ ଯାତ୍ରାର ପ୍ରଥମ ପଦକ୍ଷେପରେ ନାସାର ଦୁଇ ମହାକାଶଯାନ ପଠାଇବାକୁ ସ୍ଥିର କରାଯାଇଥିଲା । ଭାରୀ-ଉଠାଣ ଯାନଟି ଆମେରିକୀୟ ସମୟ ୨ଟା ୪୫ରେ ରେ ଫ୍ଲୋରିଡାର କେପ୍ କାନାଭେରାଲ୍ ସ୍ପେସ୍ ଫୋର୍ସ ଷ୍ଟେସନ୍ରୁ ଉଡ଼ାଣ ଭରିବାର ଥିଲା । କିନ୍ତୁ ଖରାପ ପାଗ ଯୋଗୁଁ ଦୁଇ ଘଣ୍ଟାରୁ କମ୍ ଲଞ୍ଚ ୱିଣ୍ଡୋ ମଧ୍ୟରେ ଏକାଧିକ ହୋଲ୍ଡ ଜାରି କରାଯାଇଥିଲା । ଶେଷରେ ବ୍ଲୁ ଅରିଜିନ୍ ପ୍ରାୟ ୪ଟା ୧୩ ମିନିଟରେ ଉତକ୍ଷେପଣ ବାତିଲ କରାଯାଇଥିବା ଘୋଷଣା କରିଥିଲା ।

ନାସାର ମିଶନ ମଙ୍ଗଳର ସଫଳତା ପଛରେ ଭାରତୀୟ ବଂଶୋଦ୍ଭବ ମହିଳା । ଯାହାଙ୍କ ବିନା ଲାଲ ଗ୍ରହରେ ଓହ୍ଲାଇ ପାରିନଥାନ୍ତା ରୋଭର । ଜାଣନ୍ତୁ କିଏ ସେହି ଭାରତୀୟ ବଂଶୋଦ୍ଭବ ମହିଳା ।

ଖୁବଶୀଘ୍ର ମିଶନକୁ ସଫଳତାର ସହ ସମ୍ପାଦନ କରାଯିବ, ତେବେ ପୁଣିକେବେ ଦୁଇ ମହାକାଶଯାନ ପଠାଯିବ ସେନେଇ ବ୍ଲୁ ଅରିଜିନ୍ କିଛି ସ୍ପଷ୍ଟ କରାଯାଇନାହିଁ । ଗତ ଏକ ଦଶନ୍ଧି ଧରି ନ୍ୟୁ ଗ୍ଲେନର ମିଶନ ଘୋଷଣା ହେବା ପରଠାରୁ ଏହା ବହୁ ବିଳମ୍ବର ସମ୍ମୁଖୀନ ହୋଇଛି । ଚଳିତ ବର୍ଷ ଆରମ୍ଭରେ ଏହାର ପ୍ରଥମ ଉଡ଼ାଣ ପାଇଁ ବ୍ଲୁ ଅରିଜିନ୍ ଚେଷ୍ଟା କରିଥିଲେ ମଧ୍ୟ ଖରାପ ପାଗ କାରଣରୁ ହିଁ ଏହାକୁ ସ୍ଥଗିତ ରଖାଯାଇଥିଲା, ଦ୍ବିତୀୟ ପ୍ରୟାସ ସମୟରେ ମଧ୍ୟ ଏପରି କିଛି ପରିସ୍ଥିତି ଦେଖିବାକୁ ମିଳିଛି । ନ୍ୟୁ ଗ୍ଲେନରେ ଥିବା ମହାକାଶଯାନ ହେଉଛି ରକେଟ୍ ଲ୍ୟାବ୍ ଦ୍ୱାରା ନିର୍ମିତ। ମହାକାଶ ପାଣିପାଗର ପ୍ରଭାବ ଅଧ୍ୟୟନ କରିବା ପାଇଁ ନାସାର ମିଶନ ପାଇଁ ୟୁସି ବର୍କଲି ଦ୍ୱାରା ପରିଚାଳିତ ଯମଜ ଉପଗ୍ରହ । ଏହି ଦୁଇଟି ଉପଗ୍ରହକୁ ୨୦୨୭ ସୁଦ୍ଧା ମଙ୍ଗଳ ଗ୍ରହର କକ୍ଷପଥରେ ଅବସ୍ଥାପିତ କରାଯିବା ସହ ଲାଲ୍ ଗ୍ରହ ବିଷୟରେ ଅଧିକ ତଥ୍ୟ ହାସଲ କରିବାକୁ ଲକ୍ଷ୍ୟ ରଖିଛି ନାସା ।