ଦକ୍ଷିଣ କୋରିଆ ବିମାନ ଦୁର୍ଘଟଣା : ସମସ୍ତ ଯାତ୍ରୀ ମୃତ , ଅବତରଣ ବେଳେ ଖସିପଡି ହୋଇଥିଲା କ୍ରାସ

କନକବ୍ୟୁରୋ : ଦକ୍ଷିଣ କୋରିଆ ବିମାନ ଦୁର୍ଘଟଣାରେ ବଢ଼ିବାରେ ଲାଗିଛି ମୃତ୍ୟୁ ସଂଖ୍ୟା । ବର୍ତ୍ତମାନ ସୁଦ୍ଧା ୧୭୯ ଜଣଙ୍କ ମୃତ୍ୟୁ ହୋଇଥିବା ସୂଚନା  ।  ବିମାନରେ ଥିବା ସମସ୍ତ ବ୍ୟକ୍ତିଙ୍କ ମୃତ୍ୟୁ ହୋଇଥିବା ଆଶଙ୍କା  ।  ମୁଆନ ଅନ୍ତର୍ଜାତୀୟ ବିମାନ ବନ୍ଦରରେ ଅବତରଣ ବେଳେ ରନ୍‌ୱେରେ କ୍ରାସ୍ ହୋଇଯାଇଥିଲା ଯାତ୍ରୀବାହି ବିମାନ  ।  ବିମାନରେ ୬ କ୍ରୁ ମେମ୍ବରଙ୍କ ସମେତ ୧୭୫ଜଣ ଯାତ୍ରୀ ଥିଲେ। ଦୁର୍ଘଟଣା ସମୟର ଏକ ଭିଡିଓ ବି ସାମ୍ନାକୁ ଆସିଛି  ।  ରନୱେରେ ଲାଣ୍ଡିଂବେଳେ ବିମାନଟି କ୍ରାସ୍‌ ହୋଇ ଜଳି ଉଠୁଥିବା ଦେଖିବାକୁ ମିଳିଛି ଭିଡିଓରେ  । 

ଏ ଦୃଶ୍ୟ ଏତେ ଭୟଙ୍କର ହୋଇଛି ଯେ, ମୃତ୍ୟୁ ସଂଖ୍ୟା ଆହୁରି ବଢ଼ିବାର ଆଶଙ୍କା କରାଯାଉଛି  ।  ଅନ୍ତର୍ଜାତୀୟ ଗଣମାଧ୍ୟମ ରିପୋର୍ଟ ଅନୁସାରେ ଥାଇଲ୍ୟାଣ୍ଡ ରାଜଧାନୀ ବ୍ୟାଙ୍କକକ୍‌କୁ ଉତ୍ତର କୋରିଆ ଫେରୁଥିଲା  ଏହି ବିମାନଟି । ସ୍ଥାନୀୟ ସମୟ ୯ଟା ୭ରେ ଏହା ମୁଆନ ବିମାନ ବନ୍ଦରରେ ଅବତରଣ କରୁଥିଲା   ।   ହେଲେ ଅବତରଣବେଳେ ରନୱେରେ ବିମାନଟି ଖସି ପଡିଥିଲା। ଦ୍ରୁତବେଗରେ ଯାଇ ତାର ଜାଲରେ ପିଟି ହୋଇ ଭୟଙ୍କର ବିସ୍ଫୋରଣ ହୋଇଥିଲା  ।

ସ୍ଥାନୀୟ ଖବର ସରବରାହ ସଂସ୍ଥା ୟୋନ୍‌ହାପ୍‌ର ସୂଚନା ଅନୁସାରେ ବିମାନରେ ୧୭୩ ଦକ୍ଷିଣ କୋରିଆ ଯାତ୍ରୀ ଆଉ ୨ ଥାଇଲାଣ୍ଡ ଚାଷୀ ଥିଲେ  । ବିମାନର ଲ୍ୟାଣ୍ଡିଂ ବେଳେ ଚଢେଇ ମାଡ଼ ହୋଇ ଗିଅରରେ ତ୍ରୁଟି ହୋଇଥିଲା। ଯାହାଫଳରେ ରନ୍‌ୱେରେ ଭୁଲ ଦିଗରେ ଚାଲିଯାଇଥିଲା ବିମାନଟି। ଆଉ ତାର ଜାଲରେ ଯାଇ ପିଟି ହୋଇଥିଲା  । 
--