କନକ ବ୍ୟୁରୋ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଟାରିଫକୁ ନେଇ ଏବେ ସାରା ବିଶ୍ୱ ଚିନ୍ତା ପ୍ରକଟ କରିଛି । ଟ୍ରମ୍ପଙ୍କ ଟାରିଫ୍ ଆକ୍ରମଣ ପରେ ବିଶ୍ୱ ସମୁଦାୟରେ ଆମେରିକାର ଭୂମିକାକୁ କିଭଳି ନଗଣ୍ୟ କରାଯିବ ତାକୁ ନେଇ ଏବେ ବିଶ୍ୱ ନେତାମାନେ ଚିନ୍ତା କରୁଛନ୍ତି । ବିଶେଷ କରି ଆମେରିକା ଭାରତ ଉପରେ ଯେଭଳି ଭାବେ ୫୦ ପ୍ରତିଶତ ଟାରିଫ୍ ଲଗାଇଛି ତାର ଆଲୋଚନା ମଧ୍ୟ ବିଶ୍ୱ ସମୁଦାୟରେ ଚାଲିଛି । ୱେଷ୍ଟର୍ନ ଏକ୍ସପର୍ଟ ଟ୍ରମ୍ପଙ୍କ ଏହି ଟାରିଫକୁ ଆତ୍ମଘାତୀ କହିବାକୁ ବି ପଛାଇନାହାଁନ୍ତି । ଏହାରି ଭିତରେ ଏକ ବଡ଼ ଖବର ଆସିଛି । ଜାପାନ ଆମେରିକା ସହ କରିବାକୁ ଥିବା ୫୫୦ ବିଲିୟନ ଡଲାର ଚୁକ୍ତିର ଶେଷ ପର୍ଯ୍ୟାୟରେ ଆମେରିକାକୁ ବଡ଼ ଝଟକା ଦେଇଛି । ଏନେଇ ଜାପାନର ଟ୍ରେଡ ନେଗୋସିଏଟର ରୟୋସେଇ ଅକାଜାବା ଶେଷ ମୂହୁର୍ତ୍ତରେ ଆମେରିକା ଗସ୍ତ ବାତିଲ କରିଛନ୍ତି । ଜାପାନ ତରଫରୁ ଏହି ପଦକ୍ଷେପ ସେତେବେଳେ ନିଆଯାଇଛି, ଯେତେବେଳେ ଭାରତର ପ୍ରଧାନମନ୍ତ୍ରୀ ଜାପାନ ଗସ୍ତରେ ଅଛନ୍ତି । 

Advertisment

ସୂଚନା ମୁତାବକ  ଜାପାନ ଆମେରିକାର ସହ ପ୍ରସ୍ତାବିତ ୫୫୦ ଆରବ ଡଲାର ନିବେଶ ପ୍ୟାକେଜ ନେଇ ହେବାକୁ ଥିବା ଚୁକ୍ତିକୁ ହଠାତ ରୋକି ଦେଇଛି । ଜାପାନର ଶୀର୍ଷ ବ୍ୟବସାୟ ବର୍ତ୍ତାକାର ରୟୋସେଇ ଅକାଜାବା ଗୁରୁବାର ଦିନ ଆମେରିକା ଗସ୍ତ କରିବାର ଥିବା ବେଳେ ହଠାତ ଏହି ଗସ୍ତ ବାତିଲ କରାଯାଇଛି । ଆମେରିକା ଜାପାନା ଉପରେ ଲଗାଇଥିବା ଟାରିଫ କମ୍ କରିବା ପରେ ଏହି ବ୍ୟବସାୟିକ ଚୁକ୍ତି ଆଗକୁ ବଢିଥିଲା । ଚୁକ୍ତି ମୁତାବକ ଆମେରିକା ଜାପାନ ଉପରେ ଲଗାଇଥିବା ୨୫ ପ୍ରତିଶତ ଟାରଫକୁ ୧୫ ପ୍ରତିଶତ କରିଥିଲା । ଏହାପରେ ଜାପାନ ଆମେରିକାରେ ୫୫୦ ଆରବ ଡଲାର ନିବେଶ କରିବାକୁ ପ୍ରସ୍ତୁତ ହୋଇଥିଲା ।

ଏହାରି ମଧ୍ୟରେ ଜାପାନର ଗଣମାଧ୍ୟମ "କ୍ୟୁୟୋଦେ' ନ୍ୟୁଜ୍ କହିଛି କି, ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ କି, ଅକଜାବା ପୁଣିଥରେ ଆମେରିକା ଗସ୍ତ କରିବେ କି ନାହିଁ । ସେପଟେ ରୟଟର୍ସ କହିଛି ଯେ ଅକଜାବା ଆସନ୍ତା ସପ୍ତାହରେ ଆମେରିକା ଗସ୍ତ କରିପାରନ୍ତି ।