ବିଧାନସଭା ହଙ୍ଗାମାକୁ ନେଇ ସୋଫିଆ ବନାମ ଉପାସନା

କନକ ବ୍ୟୁରୋ : ବିଧାନସଭାରେ ହଙ୍ଗାମାକୁ ନେଇ ମୁହାଁମୁହିଁ ଦୁଇ ମହିଳା ବିଧାୟିକା । ବିଜେପି ବିଧାୟିକା ଉପାସନା ବନାମ କଂଗ୍ରେସ ବିଧାୟିକା ସୋଫିଆ ଫିର୍ଦ୍ଦୋଷ । ହଙ୍ଗାମା ଓ ହଟ୍ଟଗୋଳ ଭିତରେ ସ୍ବାଭାବିକ ଚାଲିପାରୁନାହିଁ ଗୃହ । ଆଉ ଏହାକୁ ନେଇ ବିଧାନସଭାରେ ବିଜେପି ବିଧାୟିକା ଉପାସନା ମହାପାତ୍ର କଂଗ୍ରେସ ବିଧାୟିକାଙ୍କୁ କରିଛନ୍ତି ଆକ୍ଷେପ ।

କଂଗ୍ରେସ ବିଧାୟକ, ପୋଡିୟମ ଉପରକୁ ଚଢ଼ି ମହିଳା ବାଚସ୍ପତିଙ୍କୁ ଅସମ୍ମାନ କରୁଛନ୍ତି, ଆଉ ସେହି ସ୍ଥାନରେ କଂଗ୍ରେସର ମହିଳା ବିଧାୟିକା ବି ଉପସ୍ଥିତ ରହୁ ନାହାଁନ୍ତି ବୋଲି ସୋଫିଆଙ୍କୁ କଟାକ୍ଷ କରି କହିଛନ୍ତି ଉପାସନା । ଯାହାକୁ ନେଇ ଗୃହ ବାହାରେ ଜବାବ ରଖିଛନ୍ତି କଂଗ୍ରେସ ବିଧାୟିକା ସୋଫିଆ ଫିର୍ଦ୍ଦୋସ । ସେପଟେ ମହିଳା ବାଚସ୍ପତିଙ୍କୁ ଅସମ୍ମାନ ନେଇ କାର୍ଯ୍ୟାନୁଷ୍ଠାନ ଦାବି କରିଛନ୍ତି ବିଜେପି ବିଧାୟିକା ଉପାସନା ।