କେବେ ରାଗ କେବେ ପ୍ରେମ , ଟ୍ରମ୍ପଙ୍କ ହେଉଛି କ’ଣ? ପ୍ରଧାନମନ୍ତ୍ରୀ ମୋଦୀଙ୍କୁ ଭଲ ବନ୍ଧୁ କହିଲେ ଟ୍ରମ୍ପ

କନକ ବ୍ୟୁରୋ : ପଦାରେ ପଡ଼ିଲା ଟ୍ରମ୍ପଙ୍କ ଦୋମୁହାଁ ନୀତି । ଗୋଟିଏ ପଟେ ମୋଦୀଙ୍କୁ ଭଲ ବନ୍ଧୁ କହି ଟାରିଫ୍ ପ୍ରସଙ୍ଗରେ ପୁନଃ ଆଲୋଚନା କଥା କହୁଛନ୍ତି ଆମେରିକା ରାଷ୍ଟ୍ରପତି । ଅନ୍ୟପଟେ ଭାରତ ଉପରେ ଅଧିକ ଟାରିଫ୍ ଲଗାଇବାକୁ ୟୁରୋପୀୟ ଦେଶ ଉପରେ ପକାଉଛନ୍ତି ଚାପ। ଅନ୍ତର୍ଜାତୀୟ ଖବର ସରବରାହ ସଂସ୍ଥା ରୟଟର୍ସର ଏକ ରିପୋର୍ଟ ଅନୁସାରେ,ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ୟୁରୋପୀୟ ସଂଘକୁ ଭାରତ ଉପରେ ଶତ ପ୍ରତିଶତ ଟାରିଫ୍ ଲଗାଇବାକୁ କହିଛନ୍ତି । ରୁଷିଆ ଠାରୁ ତେଲ କିଣୁଥିବାରୁ ୧୦୦ ପ୍ରତିଶତ ଟାରିଫ ଲଗାଇବାକୁ ୟୁରୋପୀୟ ସଂଘକୁ କହିଛନ୍ତି ଆମେରିକା ରାଷ୍ଟ୍ରପତି । ଏପଟେ କିନ୍ତୁ ସୋସିଆଲ ମିଡିଆ ଏକ୍ସରେ ପୋଷ୍ଟ କରି ପ୍ରଧାନମନ୍ତ୍ରୀ ମୋଦୀଙ୍କୁ ପୁଣିଥରେ ନିଜ ଭଲ ବନ୍ଧୁ ବୋଲି କହିଛନ୍ତି ଟ୍ରମ୍ପ । କେବଳ ସେତିକି ନୁହେଁ ଆମେରିକା- ଭାରତ ମଧ୍ୟରେ ଥିବା ବାଣିଜ୍ୟିକ ସମ୍ପର୍କ ନେଇ ଖୁବଶୀଘ୍ର ମୋଦୀଙ୍କ ସହ ଆଲୋଚନା କରିବେ ବୋଲି ନିଜ ପୋଷ୍ଟରେ ଲେଖିଥିଲେ ଆମେରିକା ରାଷ୍ଟ୍ରପତି । 

ଟ୍ରମ୍ପଙ୍କ ଦୋମୁହାଁ ନୀତି :

ଆମେରିକା ରାଷ୍ଟ୍ରପତି ଟ୍ରମ୍ପଙ୍କ ପୁଣି ଦୋମୁହାଁ ନୀତି
ଭାରତ ଉପରେ ଶତ ପ୍ରତିଶତ ଶୁଳ୍କ ଲଗାଇବାକୁ ୟୁରୋପୀୟ ସଂଘ ଉପରେ ଚାପ
ରୁଷିଆ ଠାରୁ ତେଲ କିଣାକୁ ନେଇ ଶୁଳ୍କ ଲଗାଇବାକୁ ଟ୍ରମ୍ପ ପକାଇଲେ ଚାପ
ଚାଇନା ଓ ଭାରତ ଉପରେ ୧୦୦% ଟାରିଫ ଲଗାଇବାକୁ କହିଲେ ଟ୍ରମ୍ପ
ଏପଟେ ପୋଷ୍ଟ କରି କହିଲେ, ମୋଦୀ ମୋର ଭଲ ବନ୍ଧୁ
ରିପବ୍ଲିକାନ ସେନେଟର୍‌ ବର୍ନି ମୋରେନୋ ଏମ୍ପ୍ଲୟମେଣ୍ଟ ହାୟର ଆଇନ ପ୍ରଣୟନ କରିଛନ୍ତି 
ଯଦି ଏହି ଆଇନ ସଂସଦରେ ଗୃହୀତ ହୁଏ, ତେବେ ଆମେରିକୀୟ କମ୍ପାନିଗୁଡ଼ିକୁ ...
ବିଦେଶୀ କର୍ମଚାରୀଙ୍କୁ ନିଯୁକ୍ତି ଦେବା ଉପରେ ୨୫ ପ୍ରତିଶତ ପର୍ଯ୍ୟନ୍ତ ଟିକସ ଦେବାକୁ ପଡ଼ିବ