ଆଜି ପୁଣିଥରେ ହେବ ଗାୟକ ଜୁବିନ୍ ଗର୍ଗଙ୍କର ଶବ ବ୍ୟବଚ୍ଛେଦ : ଆସାମ ମୁଖ୍ୟମନ୍ତ୍ରୀ କଲେ ଘୋଷଣା

କନକ ବ୍ୟୁରୋ :  ସିଙ୍ଗର ଜୁବିନ୍ ଗର୍ଗଙ୍କର ଦ୍ୱିତୀୟଥର ପାଇଁ ଆଜି ହେବ ପୋଷ୍ଟମର୍ଟମ । ଲୋକଙ୍କ ଦାବି ପରେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମା ଏହି ଘୋଷଣା କରିଛନ୍ତି । ଗୁଆହାଟୀ ମେଡିକାଲ କଲେଜରେ ଶବ ବ୍ୟବଚ୍ଛେଦ କରାଯିବ । ଆଜି ସକାଳ ୭ଟା ୩୦ ମିନିଟରେ ପୋଷ୍ଟମର୍ଟମ ପାଇଁ ସମୟ ସ୍ଥିର ହୋଇଛି । ଗୁଆହାଟୀ ଏମ୍‌ସ ଡାକ୍ତରୀ ଟିମ୍‌ର ତତ୍ତ୍ବାବଧାନରେ ଶବ ବ୍ୟବଚ୍ଛେଦ କରାଯିବ । କଣ୍ଠଶିଳ୍ପୀ ଜୁବିନ୍ ଗର୍ଗଙ୍କର ମୃତ୍ୟୁର ତଦନ୍ତ ଚାଲିଛି । ପୂର୍ବରୁ ସିଙ୍ଗାପୁରରେ ଶବ ବ୍ୟବଚ୍ଛେଦ ହୋଇଥିଲା । ତେବେ ଆଉ ଥରେ ଜୁବିନଙ୍କ ମୃତଦେହର ବ୍ୟବଚ୍ଛେଦ କରିବାକୁ ଲୋକେ ଅଡ଼ି ବସିବା ପରେ ଆସାମ ମୁଖ୍ୟମନ୍ତ୍ରୀ ଏହି ଘୋଷଣା କରିଛନ୍ତି ।