ଜଳବାୟୁ ପରିବର୍ତ୍ତନର ବଡ଼ ପ୍ରଭାବ : ଉତ୍ତରରେ ପ୍ରବଳ ବର୍ଷା, ମଧ୍ୟରେ ନିଅଣ୍ଟିଆ ସ୍ଥିତି

କନକ ବ୍ୟୁରୋ : ଚଳିତ ବର୍ଷାଋତୁରେ ଆମ ରାଜ୍ୟ ଉତ୍ତର ଓ ଦକ୍ଷିଣରେ ଥିବା ଅଧିକାଂଶ ଜିଲ୍ଲାରେ ସ୍ବାଭାବିକ ବା ତା’ଠୁ ଅଧିକ ବର୍ଷା ହୋଇଛି କିନ୍ତୁ ସେହି ତୁଳନାରେ କେନ୍ଦ୍ରୀୟ ଓଡ଼ିଶାରେ ବର୍ଷା କମ ହୋଇଛି । ପାଣିପାଗ ବିଭାଗ ପକ୍ଷରୁ ମିଳିଥିବା ତଥ୍ୟ ମୁତାବକ, ଗତ ଜୁନ ୧ ତାରିଖରୁ ଜୁଲାଇ ୩୦ ତାରିଖ ଦୁଇ ମାସ ମଧ୍ୟରେ ରାଜ୍ୟରେ ସବୁ ଜିଲ୍ଲାରେ ବର୍ଷା ତାରତମ୍ୟ ଠିକ୍ ନାହିଁ । କେଉଁଠି ମେଞ୍ଚାଏ ତ କେଉଁଠି କେଞ୍ଚାଏ ଭଳି ସ୍ଥିତି ଦେଖିବାକୁ ମିଳିଛି । ୧୦ ଜିଲ୍ଲାରେ ବର୍ଷାର ପରିମାଣ ୩୬% ରୁ ୬୦ % ଅଧିକ ହୋଇଥିବା ବେଳେ ୪ ଜିଲ୍ଲାରେ ୨୦% ରୁ ୩୫ % କମ ବର୍ଷା ରେକର୍ଡ ହୋଇଛି । 

ଜିଲ୍ଲା              ବର୍ଷା ପରିମାଣ(ଅଧିକ)    

ସୁନ୍ଦରଗଡ଼ରେ     ୯୩୨.୨ମିମି(୬୦%)
ମୟୁରଭଞ୍ଜ        ୮୭୧.୬ମିମି( ୪୯%)
କେନ୍ଦୁଝର         ୮୦୫.୩ ମିମି(୪୯%)
ଦେଓଗଡ଼         ୮୧୪.୫ମିମି(୪୮ %)
ଝାରସୁଗୁଡ଼ା        ୭୩୦.୨ମିମି(୩୧%)
ଦେଓଗଡ଼          ୮୧୪.୫ମିମି( ୪୮%)
ସୋନପୁର        ୭୧୮.୩ମିମି(୩୧%)
ସମ୍ବଲପୁର        ୭୪୦.୮ମିମି(୨୪%) 
ବୌଦ୍ଧ            ୬୫୮.୩ ମିମି(୩୮%)
କୋରାପୁଟ       ୭୭୦.୬ମିମି(୩୬%)

ଜିଲ୍ଲା              ବର୍ଷା ପରିମାଣ(କମ୍)   

ପୁରୀ             ୨୮୭.୧(୩୪%)
ଗଜପତି         ୨୯୦(୩୧%)
ଗଞ୍ଜାମ         ୩୦୪.୪(୨୪%)
କଳାହାଣ୍ଡି      ୫୩୦.୫(୨୦%)

ବାକି ଜିଲ୍ଲାରେ ସ୍ବାଭାବିକ ବର୍ଷା ହୋଇଛି । ଏଥର ସୃଷ୍ଟି ହୋଇଥିବା ଅଧିକାଂଶ ଲଘୁଚାପ କ୍ଷେତ୍ର ଉତ୍ତର ଓଡ଼ିଶାରେ ସୃଷ୍ଟି ହୋଇଥିବାରୁ ଉତ୍ତରରେ ଭଲ ବର୍ଷା ହୋଇଛି । ଆଉ ଏହି ଲଘୁଚାପ ଅବପାତ ପରିଣତ ହେବା ପରେ ଏହା ଦକ୍ଷିଣ ଓ ପଶ୍ଚିମ ଦେଇ ଗତି କରିଥିବାରୁ ସେଠାରେ ଅଧିକ ବର୍ଷା ହୋଇଛି । ପୁରୀ, ଗଜପତି, ଗଞ୍ଜାମ, କଳାହାଣ୍ଡି ଜିଲ୍ଲାରେ କାହିଁକି କମ ବର୍ଷା ହୋଇଛି ତା’ର କାରଣ କହିଛନ୍ତି ପାଣିପାଗ ବିଜ୍ଞାନୀ । ତେବେ ରାଜ୍ୟରେ ଚଳିତ ବର୍ଷ ଜୁନ ୧ରୁ ଜୁଲାଇ ୩୦ ମଧ୍ୟରେ ଦୁଇ ମାସ ମଧ୍ୟରେ ସ୍ବାଭାବିକଠୁ ୧୩% ପ୍ରତିଶତ ଅଧିକ ବର୍ଷା ରେକର୍ଡ ହୋଇଛି ।