କନକ ବ୍ୟୁରୋ: ଆସନ୍ତାଲିଠୁ ଆରମ୍ଭ ହେଉଛି ଶ୍ରାବଣ ମାସ । ଜୁଲାଇ ୧୧ରୁ ଆରମ୍ଭ ହୋଇ ଅଗଷ୍ଟ ୯ ପର୍ଯ୍ୟନ୍ତ ଚାଲିବ ଶ୍ରାବଣ ମାସ । ମହାଦେବଙ୍କ ଭକ୍ତ ପ୍ରସ୍ତୁତି ଆରମ୍ଭ କଲେଣି ପାଣି ଭାର ନେବା ପାଇଁ । ମହାଦେବଙ୍କ ପାଖରେ ଜଳାଭିଷେକ କରିବା ପାଇଁ  ପ୍ରସ୍ତୁତ ହେଲେଣି କାଉଡିଆ । କୁହାଯାଏ ଶ୍ରାବଣରେ ମହାଦେବଙ୍କ ଲିଙ୍ଗରେ ପାଣି ଢାଳିଲେ ଅଶେଷ ପୂଣ୍ୟ ମିଳିଥାଏ, ମନସ୍କାମନା ପୂର୍ଣ୍ଣ କରିଥାଆନ୍ତି ଶିବଶଙ୍କର । ତେଣୁ ସୋମବାରରେ ଭଗବାନ ଶିବଙ୍କଠାରେ ଜଳାଭିଷେକ ଲାଗି ବୋଲବମ୍ ଯାତ୍ରା କରିଥାଆନ୍ତି। କୁହାଯାଏ ଯେ ଭଗବାନ ଶିବଙ୍କୁ ଫଳ, ଫୁଲ, ଧୂପ, ଦୀପ ଓ ନୈବେଦ୍ୟ ଦେଇ ପୂଜା କଲେ ଯେତିକି ପ୍ରସନ୍ନ ହୋଇନଥାନ୍ତି ଜଳାଭିଷେକ ଦ୍ୱାରା ତା’ଠୁ ବେଶି ପ୍ରସନ୍ନ ହୋଇଥାଆନ୍ତି । 

Advertisment

ଭକ୍ତଙ୍କ ଉପରେ କୃପା କରିଥାଆନ୍ତି  ଶିବପାର୍ବତୀ । ସେଥିପାଇଁ ମାନସିକଧାରୀ  ଅନାଇ ରହିଥାନ୍ତି ଶ୍ରାବଣ ମାସକୁ । କାଉଡିଆ ସାଜି ପାଣିଭାର କାନ୍ଧେଇ ବିଭିନ୍ନ ଶୈବ ପିଠରେ ପାଣି ଢାଳିବା ପାଇଁ ।  କାଉଡିଆଙ୍କ ଯାତ୍ରା ସହଜ  ନଥାଏ । ଅନେକ ବାଧାବିଘ୍ନକୁ ସାମ୍ନା କରିଥାନ୍ତି ଯାତ୍ରା ସମୟରେ । ନିଷ୍ଠାର ସହ ରହି, ବ୍ରହ୍ମଚର୍ଯ୍ୟା ନିୟମ ପାଳନ କରି କାଉଡିଆମାନେ ନଦୀରୁ ପାଣି ଉଠାଇ କାନ୍ଧରେ ନେଇ ଚାଲିଥାନ୍ତି । ଖାଲି ପାଦରେ ଏକ ଲୟରେ ପାଣି ଭାର ଧରି ମାଇଲ ମାଇଲ୍‌ ବାଟ ଅତିକ୍ରମ କରିଥାନ୍ତି । ଖାଲ ଢିପ ନମାନି ତୁଣ୍ଡରେ ବାବା ମହେଶ୍ବରଙ୍କ  ନାମ ନେଇ ଆଗକୁ ଆଗ ବଢିଥାନ୍ତି।  ହର ହର ମହାଦେବ, ବୋଲବମ୍‌, ଭୋଲେ ବାବା ପାର କରେଗା ଡାକି ଆଗକୁ ଆଗକୁ ଅନ୍ଧାର ରାତିରେ ବଢିଚାଲିଥାନ୍ତି କାଉଡିଆ । ତେବେ ଏହି ପରମ୍ପରା ସାଧାରଣତଃ ଉତ୍ତର ଭାରତରେ ଦେଖିବାକୁ ମିଳିଥାଏ । କାଉଡିଆମାନଙ୍କୁ ଦେଖଲେ ମନରେ ପ୍ରଶ୍ନ ଆସୁଥିବ ଏହି ପରମ୍ପରା ପ୍ରଥମରେ ଆରମ୍ଭ କିଏ କରିଥିଲେ । ଅର୍ଥାତ୍‌ କାଉଡିଆ ହୋଇ ପାଣି ଭାର ନେବା ଯାତ୍ରାର ପରମ୍ପରା କିଏ ପ୍ରଥମେ କାହାଠାରୁ ଆରମ୍ଭ ହୋଇଥିଲା । ଏହାର ଇତିହାସ କଣ ? ଆସନ୍ତୁ ଜାଣିବା ଏହାର ପଛରେ ଥିବା  ପ୍ରମୁଖ  ମାନ୍ୟତା କଣ ରହିଛି  ? 

କାଉଡିଆ ଯାତ୍ରାକୁ ନେଇ ଅନେକ ପୌରାଣିକ ପରମ୍ପରା ରହିଛି । ସେଥିମଧ୍ୟରୁ ଏକ ପୌରାଣିକା ମାନ୍ୟତା ଅନୁସାରେ ସର୍ବ ପ୍ରଥମେ ଭଗବାନ ପର୍ଶୁରାମ ଏହି କାଉଡିଆ ଯାତ୍ରା ଆରମ୍ଭ କରିଥିଲେ । କୁହାଯାଏ ଯେ  ସେ ଉତ୍ତର ପ୍ରଦେଶର ବାଗପତ ଜିଲ୍ଲା ନିକଟସ୍ଥ ମହାଦେବ ମନ୍ଦିରରେ ଜଳ ଅର୍ପଣ କରିବା ପାଇଁ ଗର୍ଭମୁକ୍ତେଶ୍ୱରରୁ ଗଙ୍ଗା ଜଳ ଆଣିଥିଲେ । ସେଥିପାଇଁ ଆଜି ମଧ୍ୟ ଶ୍ରାବଣ ମାସରେ ଲକ୍ଷ ଲକ୍ଷ ଲୋକ ଏହି ରାସ୍ତାରେ ଚାଲି ଭଗବାନ ଶିବଙ୍କୁ ଜଳାଭିଷେକ କରନ୍ତି। ପୁରାଣରେ ବର୍ଣ୍ଣିତ  ମାତା ପାର୍ବତୀ ଭଗବାନ ଶିବଙ୍କୁ ପାଇବା ପାଇଁ ଶ୍ରାବଣ ମାସରେ କଠୋର ତପ କରିଥିଲେ । ଏହା ମଧ୍ୟ ବିଶ୍ବାସ ରହିଛି ଯେ, ଏହି ମାସରେ ମାତା ପାର୍ବତୀ ଓ ଭଗବାନ ଶିବ ଭୂ ଲୋକରେ ଭ୍ରମଣ କରନ୍ତି। ତେଣୁ ଏହି ପବିତ୍ର ମାସରେ ମହାଦେବଙ୍କ ଆଶୀର୍ବାଦ ପାଇଁ କାଉଡ଼ି ଯାତ୍ରାର ପରମ୍ପରା ରହିଆସିଛି।  କହାଯାଏ ମାହାଦେବ ହେଉଛନ୍ତି କୋପେ ବର ତ ତପେ ବର ।  ସେ ରାଗି, ସେ  ଶାନ୍ତି ଆଉ ସେ ସତ୍ୟ, ଶିବ, ସୁନ୍ଦର । ଭାରି ସରଳ ସେ ଦେବେ ଦେବ ମହାଦେବ । ସେ ମହାଯୋଗୀଙ୍କୁ ପୂଜା କଲେ କୋଟି କୋଟି ଜନ୍ମର ପାପା ନାସ ହୋଇଥାଏ ।