ଧାମରା ଥାନା କିଶୋର ପ୍ରସାଦ ଗାଁ ନିକଟରେ ଗୁଳିକାଣ୍ଡ : ଗୁଳିମାଡ଼ କରି ୩ ଦୁର୍ବୃତ୍ତ ଫେରାର

କନକବ୍ୟୁରୋ : ଧାମରା ଥାନା କୋଇଥକୋଲା କିଶୋର ପ୍ରସାଦ ଗାଁ ନିକଟରରେ ଗୁଳିକାଣ୍ଡ । ଯୁବକଙ୍କୁ ଗୁଳିମାଡ଼ ୩ ଦୁର୍ବୃତ୍ତ ଫେରାର । ଗୁଳିମାଡ଼ରେ ଗାଁର ରାଜେନ୍ଦ୍ର ମହାପାତ୍ର ଓରଫ ପାପ ମହାପାତ୍ରଙ୍କୁ ଗୁରୁତର ଅବସ୍ଥାରେ କଟକ ସ୍ଥାନାନ୍ତର କରାଯାଇଛି । ଦୁର୍ବୃତ୍ତମାନେ ଅନ୍ୟ ଜଣଙ୍କୁ ଭୁଜାଲିରେ ଆକ୍ରମଣ କରିଥିବା ବେଳେ ଆଉ ଜଣେ ଅଳ୍ପକେ ବର୍ତ୍ତିଯାଇଛନ୍ତି ।

ଦୁର୍ବୁତ୍ତମାନେ ଗାଁ ନିକଟ ଵିଲ ପାଖରେ ମଦ୍ୟ ପାନ କରୁଥିବା ବେଳେ କୋଇଥକୋଲା ଅଂଚଳର ୩ ଯୁବକ ସେହି ବାଟ ଦେଇ ଯାଉଥିଲେ  ।  ଏହି ସମୟରେ କଥା କଟାକଟିକୁ ନେଇ ଦୁର୍ବୃତ୍ତମାନେ ଗୁଳି ଚଳାଇ ଥିଲେ  ।  

ଏଥିରେ ରାଜେନ୍ଦ୍ର ମହାପାତ୍ରଙ୍କ ମୁଣ୍ଡରେ ଗୁଳି ବାଜିବାରୁ ଗୁରୁତର ହୋଇ ପଡ଼ିଥିଲେ ।  ସ୍ଥାନୀୟ ଲୋକେ ଗୁଳି ଶବ୍ଦ ଶୁଣି ଘଟଣା ସ୍ଥଳରେ ପହଞ୍ଚିବା ବେଳେକୁ ଦୁର୍ବୃତ୍ତ ଫେରାର ମାରିଥିଲେ । ଧାମରା ପୁଲିସ ଏନେଇ ଅଧିକ ତଦନ୍ତ ଆରମ୍ଭ କରିଛି ।