ଏଲଭିସ୍ ଯାଦବଙ୍କ ଘର ଉପରକୁ ଗୁଳିମାଡ଼ ଘଟଣା,  ଅଭିଯୁକ୍ତକୁ ଏନକାଉଣ୍ଟର କରି ଧରିଲା କ୍ରାଇମବ୍ରାଞ୍ଚ୍

 କନକ ବ୍ୟୁରୋ: ପପୁଲାର ୟୁଟ୍ୟୁବର ଏଲଭିସ୍ ଯାଦବଙ୍କ ଘର ଉପରକୁ ଗୁଳି ଚଳାଇଥିବା ଅଭିଯୁକ୍ତକୁ ଏନକାଉଣ୍ଟର କରିଛି କ୍ରାଇମବ୍ରାଞ୍ଚ । ଅଭିଯୁକ୍ତ ଇଶୁ ଗାନ୍ଧୀଙ୍କୁ ହରିଆଣାର ଫରିଦାବାଦରେ ଏନ୍‌କାଉଣ୍ଟର କରିଛି ଫରିଦାବାଦ କ୍ରାଇମ ବ୍ରାଞ୍ଚ ।

ତାଙ୍କ ଗୋଡରେ ଗୁଳି ବାଜିଥିବା ବେଳେ ପୁଲିସ ତାଙ୍କୁ ନେଉଥିବାର ଦେଖିବାକୁ ମିଳିଛି। ଗତ ଅଗଷ୍ଟ ୧୭ ତାରିଖରେ ଏଲଭିସ୍ ଯାଦବଙ୍କ ଗୁରୁଗ୍ରାମ ସ୍ଥିତ ଘର ଉପରକୁ ଗୁଳି ଚଳାଇଥିଲା ଅଭିଯୁକ୍ତ ଇଶୁ ଗାନ୍ଧୀ ଓରଫ ଇଶାନ୍ତ । ଆଜି ଇଶାନ୍ତଙ୍କୁ ଏନକାଉଣ୍ଟର ପରେ ମେଡିକାଲ ନେଇଛି ପୁଲିସ ।  ତେବେ ଏନକାଉଣ୍ଟର ସମୟରେ ଅଭିଯୁକ୍ତ ପୁଲିସ ଉପରୁ ୬ରୁ ଅଧିକ ଅଟୋମେଟିକ ପିସ୍ତଲରୁ ଗୁଳି ଚଳାଇଥିବା ସୂଚନା ମିଳିଛି ।