କନକ ବ୍ୟୁରୋ: ପୁଣି ବିବାଦରେ ଶିଳ୍ପା ଶେଟ୍ଟୀ-ରାଜ କୁନ୍ଦ୍ରା । ଦମ୍ପତ୍ତିଙ୍କ ବିରୋଧରେ ୬୦ କୋଟି ଟଙ୍କାର ଠକେଇ ମାମଲା ରୁଜୁ ହୋଇଛି । ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀ ଏବଂ ତାଙ୍କ ସ୍ୱାମୀ ତଥା ବ୍ୟବସାୟୀ ରାଜ କୁନ୍ଦ୍ରା ପୁଣି ଥରେ ଆଇନଗତ ବିବାଦରେ ଫସିଛନ୍ତି । ମୁମ୍ବାଇର ଜଣେ ବ୍ୟବସାୟୀ ଏହି ଦମ୍ପତିଙ୍କ ବିରୋଧରେ କୋଟି କୋଟି ଟଙ୍କାର ଠକେଇ ଅଭିଯୋଗ ଆଣିଛନ୍ତି । ଯାହା ପରେ ମୁମ୍ବାଇ ସେସନ୍ସ କୋର୍ଟ ପୁଲିସକୁ ଏହି ମାମଲାର ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି ।

Advertisment

କ'ଣ ରହିଛି ସମ୍ପୂର୍ଣ୍ଣ ମାମଲା?
 ମୁମ୍ବାଇ ପୁଲିସ୍‌ର କହିବାନୁଯାୟୀ, ବ୍ୟବସାୟୀ  ଦୀପକ କୋଠରୀ  ଅଭିଯୋଗ ଆଣିଛନ୍ତି ଯେ, ଶିଳ୍ପା ଏବଂ ରାଜ୍‌  ମିସିକରି ତାଙ୍କ ବ୍ୟବସାୟ ବଢାଇବା କହି ୬୦ କୋଟିରୁ ଅଧିକ ଠକି ନେଇଛନ୍ତି । କୋଠରୀଙ୍କ କହିବାନୁଯାୟୀ,  ୨୦୧୫ରୁ ୨୦୨୩ ମଧ୍ୟରେ  ବିଜ୍‌ନେସ୍‌ ବଢାବା ପାଇଁ  ଏହି ଟଙ୍କା ଦେଇଥିଲୁ ।  ଅନ୍ୟପଟେ, ଶିଳ୍ପା ଶେଟ୍ଟୀ ଏବଂ ରାଜ କୁନ୍ଦ୍ରା ନିଜ ଓକିଲଙ୍କ ମାଧ୍ୟମରେ ଏହି ସମସ୍ତ ଅଭିଯୋଗକୁ ଖଣ୍ଡନ କରିଛନ୍ତି । ସେମାନଙ୍କ ଓକିଲ ପ୍ରଶାନ୍ତ ପାଟିଲ କହିଛନ୍ତି ଯେ, ସେମାନେ କୌଣସି ଅପରାଧ କରିନାହାଁନ୍ତି ଏବଂ ଅଭିଯୋଗକାରୀଙ୍କୁ ତାଙ୍କର ସମସ୍ତ ୯୦ ଲକ୍ଷ ଟଙ୍କା ଆଇନଗତ ଭାବେ ଫେରସ୍ତ କରାଯାଇ ସାରିଛି ।  ସେମାନେ ଆହୁରି ମଧ୍ୟ କହିଛନ୍ତି ଯେ ସେମାନେ ତଦନ୍ତରେ ସମ୍ପୂର୍ଣ୍ଣ ସହଯୋଗ କରିବେ । 

ରାଜ କୁନ୍ଦ୍ରାଙ୍କ ଅନ୍ୟାନ୍ୟ ବିବାଦ
ଏହା ପ୍ରଥମ ଥର ନୁହେଁ ଯେତେବେଳେ ରାଜ କୁନ୍ଦ୍ରା ଆଇନଗତ ବିବାଦରେ ଫସିଛନ୍ତି । ଏହା ପୂର୍ବରୁ ମଧ୍ୟ ସେ ପର୍ନୋଗ୍ରାଫି ମାମଲାରେ ଜେଲ୍ ଯାଇଥିଲେ । ନିକଟରେ ପ୍ରବର୍ତ୍ତନ ନିର୍ଦ୍ଦେଶାଳୟ (ED) ଏକ ବିଟକଏନ୍ ପଞ୍ଜି ସ୍କାମ୍ ମାମଲାରେ ରାଜ କୁନ୍ଦ୍ରାଙ୍କର ୯୭ କୋଟିରୁ ଅଧିକ ଟଙ୍କାର ସମ୍ପତ୍ତି ଜବତ କରିଛି ।  ଯେଉଁଥିରେ ଶିଳ୍ପା ଶେଟ୍ଟୀଙ୍କ ନାମରେ ଥିବା ଏକ ଫ୍ଲାଟ୍ ମଧ୍ୟ ସାମିଲ ଅଛି । 
ଏହି ନୂଆ ଠକେଇ ମାମଲା ଶିଳ୍ପା ଶେଟ୍ଟୀ ଏବଂ ରାଜ କୁନ୍ଦ୍ରାଙ୍କ ପାଇଁ ଏକ ନୂଆ ସମସ୍ୟା ସୃଷ୍ଟି କରିଛି । ପୋଲିସ୍ ତଦନ୍ତ ପରେ ହିଁ ଏହି ମାମଲାର ସତ୍ୟାସତ୍ୟ ସାମ୍ନାକୁ ଆସିବ ।