କନକବ୍ୟୁରୋ : ସେଲ ପକ୍ଷରୁ ଆର୍ଥିକ ବର୍ଷ ୨୦୨୬ ର ପ୍ରଥମ ତ୍ରୟୋମାସିକ ଆର୍ଥିକ ଫଳାଫଳ ଘୋଷଣା : ଲାଭରେ ୨୭୩% ବୃଦ୍ଧି 
Advertisment
ଭାରତୀୟ ଇସ୍ପାତ ପ୍ରାଧିକରଣ ଲିମିଟେଡ୍ (ସେଲ୍) ଜୁନ୍ ୩୦ତାରିଖରେ  ଶେଷ ହୋଇଥିବା ୨୦୨୬ ଆର୍ଥିକ ବର୍ଷର ପ୍ରଥମ ତ୍ରୟୋମାସିକ ଆର୍ଥିକ ଫଳାଫଳ  ଜୁଲାଇ ୨୫ ତାରିଖରେ  ଘୋଷଣା କରିଛି।   UnitQ1 24-25Q4 24-25Q1 25-26
ଅଶୋଧିତ ଇସ୍ପାତ ଉତ୍ପାଦନ ନିୟୁତ ଟନ 4.685.094.85
ମୋଟ ବିକ୍ରି ପରିମାଣନିୟୁତ ଟନ4.015.334.55
ଅପରେସନରୁ ରାଜସ୍ୱ ଅର୍ଜନ କୋଟି ଟଙ୍କାରେ23,99829,31625,921
ସୁଧ, କର, ଅବମୂଲ୍ୟାୟନ ଏବଂ ଋଣ ପରିଶୋଧ ପୂର୍ବବର୍ତ୍ତୀ ଆୟ
 (EBITDA)କୋଟି ଟଙ୍କାରେ2,4203,7812,925
ସ୍ଵତନ୍ତ୍ର ବିଷୟ ଓ କର ପୂର୍ବବର୍ତ୍ତୀ ଲାଭ   କୋଟି ଟଙ୍କାରେ3261,593890
ସ୍ଵତନ୍ତ୍ର ବିଷୟ କୋଟି ଟଙ୍କାରେ(312)(29)-
କର ପୂର୍ବବର୍ତ୍ତୀ ଲାଭ (PBT)କୋଟି ଟଙ୍କାରେ141564890
କର ପରବର୍ତ୍ତୀ ଲାଭ (PAT) କୋଟି ଟଙ୍କାରେ111178685
୨୦୨୫-୨୬ର ପ୍ରଥମ ତ୍ରୟୋମାସିକ ପାଇଁ ଅପରେସନରୁ ୨୫୯୨୧ କୋଟି ଟଙ୍କା ରାଜସ୍ୱ ଆୟ ହୋଇଛି, ଯାହାର ପରିମାଣ ଗତ ଆର୍ଥିକ ବର୍ଷର ସମାନ ଅବଧି (ସିପିଏଲୱାଇ)ରେ ୨୩୯୯୮ କୋଟି ଟଙ୍କା ରହିଥିଲା। ସୁଧ, ଟିକସ, ମୂଲ୍ୟହ୍ରାସ ଏବଂ ପରିଶୋଧନ ପୂର୍ବରୁ ଆୟ (ଇବିଆଇଟିଡିଏ) ଅନୁରୂପ ପୂର୍ବ ବର୍ଷ ଅବଧି ର ୨୪୨୦ କୋଟି ଟଙ୍କାରୁ ଚଳିତ ଆର୍ଥିକ ବର୍ଷର ପ୍ରଥମ ତ୍ରୟୋମାସରେ ୨୯୨୫ କୋଟି ଟଙ୍କାକୁ ବୃଦ୍ଧି ପାଇଛି ।  ସେହିପରି ସମୁଦାୟ ବିକ୍ରୟ ପରିମାଣ ମଧ୍ୟ ୨୦୨୪-୨୫ର ପ୍ରଥମ ତ୍ରୟମାସରେ ୪.୦୧ ନିୟୁତ ଟନ୍ ରୁ ବୃଦ୍ଧି ପାଇ ଚଳିତ ଆର୍ଥିକ ବର୍ଷର ପ୍ରଥମ ତ୍ରୟୋମାସରେ ୪.୫୫ ମେଟ୍ରିକ ଟନ୍ ରେ ପହଞ୍ଚିଛି  ।  ଅଶୋଧିତ ଇସ୍ପାତ ଉତ୍ପାଦନ ପୂର୍ବ ଆର୍ଥିକ ବର୍ଷର ପ୍ରଥମ ତ୍ରୈମାସରେ ୪.୬୮ ନିୟୁତ ଟନ୍ ଥିବାବେଳେ ଚଳିତ ଆର୍ଥିକ ବର୍ଷର ସମାନ ଅବଧିରେ ଏହା ୪.୮୫ ନିୟୁତ ଟନ୍ କୁ  ବୃଦ୍ଧି ପାଇଛି । 
କାରଖାନା ଚଳିତ ଆର୍ଥିକ ବର୍ଷର ପ୍ରଥମ ତ୍ରୟୋମାସରେ ସ୍ଵତନ୍ତ୍ର ବିଷୟ ଏବଂ କର ପୂର୍ବବର୍ତ୍ତୀ ଲାଭରେ ୨୭୩% ର ଦୃଢ଼ ଅଭିବୃଦ୍ଧି ରେକର୍ଡ କରିଛି। ବିକ୍ରୟ ପରିମାଣ, ଅପରେସନରୁ ରାଜସ୍ୱ ସହ ବିକ୍ରୟ ଯୋଗ୍ୟ ଏବଂ ଅଶୋଧିତ ଇସ୍ପାତ ଉତ୍ପାଦନ ଅନୁରୂପ ପୂର୍ବ ବର୍ଷ ଅବଧି  ତୁଳନାରେ ଏକ ସୁସ୍ଥ ଅଭିବୃଦ୍ଧି ରେକର୍ଡ କରିଛି।
ଏହି ପରିପ୍ରେକ୍ଷୀରେ ସେଲ୍  ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ, ଶ୍ରୀ ଅମରେନ୍ଦୁ ପ୍ରକାଶ କହିଛନ୍ତି ଯେ, "ସେଲ୍ ର ଆର୍ଥିକ ବର୍ଷ ୨୦୨୬ର ପ୍ରଥମ ତ୍ରୟୋମାସିକ ପ୍ରଦର୍ଶନ ଏହାର  ଉନ୍ନତତର କାର୍ଯ୍ୟ ନିପୁଣତା, ଉତ୍ତମ ନଗଦ ପ୍ରବାହ ଏବଂ ଘରୋଇ ବଜାରରେ ବିକ୍ରୟ ପରିମାଣରେ ଦୃଢ଼ ଅଭିବୃଦ୍ଧିକୁ  ଦର୍ଶାଉଛି ଯାହା ସରକାରୀ ସୁରକ୍ଷା ଶୁଳ୍କ ଦ୍ୱାରା ସମର୍ଥିତ। ବିଶ୍ୱବ୍ୟାପୀ ଅନିଶ୍ଚିତ ପରିସ୍ଥିତି ମଧ୍ୟରେ ମଧ୍ୟ ଘରୋଇ ବ୍ୟବହାରଯୋଗ୍ୟ ଇସ୍ପାତ କ୍ଷମତା ବିସ୍ତାର ଏବଂ ସରକାରଙ୍କଠାରୁ ସୁରକ୍ଷା ଶୁଳ୍କ ସମର୍ଥନ ସହିତ ଆମେ ସମସ୍ତ ଇସ୍ପାତ ଉପଭୋକ୍ତା କ୍ଷେତ୍ରକୁ ଉଚ୍ଚ-ଗୁଣବତ୍ତାସମ୍ପନ୍ନ ଇସ୍ପାତ ପ୍ରଦାନ କରିଚାଲିଛୁ। ଆମର ବ୍ୟୟ ସୁଧାରଣା ପଦକ୍ଷେପ ଏବଂ ଅଂଶୀଦାର ମୂଲ୍ୟ  ବୃଦ୍ଧି ପ୍ରତି ଅତୁଟ  ପ୍ରତିବଦ୍ଧତା ହେଉଛି ଆମ ଯାତ୍ରାର ମୁଖ୍ୟ ଲକ୍ଷ୍ୟ  ।"