ଭଦ୍ରକ ଧୁଷୁରୀ ଥାନା ଅଞ୍ଚଳରେ ଲଜ୍ଜା : ସ୍କୁଲରୁ ଫେରୁଥିବା ସମୟରେ ନାବାଳିକାକୁ ଦୁଷ୍କର୍ମ କଲା ୫୫ ବର୍ଷିୟ ବୃଦ୍ଧ

କନକବ୍ୟୁରୋ : ତେର ବର୍ଷିୟ  ନାବାଳିକାଙ୍କୁ ଦୁଷ୍କର୍ମ ଅଭିଯୋଗ । ୫୫ ବର୍ଷିୟ ବୃଦ୍ଧ ଥାନାରେ ଅଟକ । ଭଦ୍ରକ ଜିଲ୍ଲା ଧୁଷୁରୀ ଥାନା ଅଞ୍ଚଳରୁ ଆସିଛି ଏହି ଲଜ୍ଜାଜନକ ଖବର । ଅଭିଯୋଗ ଅନୁସାରେ ଧୁଷୁରୀ ଥାନା ଅଞ୍ଚଳର ଜଣେ ୧୩ ବର୍ଷିୟ ନାବାଳିକା ସ୍କୁଲରୁ ଘରକୁ ଫେରୁଥିଲେ। ସେହି ସମୟରେ ଅଭିଯୁକ୍ତ ପ୍ରଲୋଭନ ଦେଖାଇ ଏକ ନିଛାଟିଆ ସ୍ଥାନରେ ନାବାଳିକାଙ୍କୁ ନେଇ ଦୁଷ୍କର୍ମ କରିଥିବା ଅଭିଯୋଗ ହୋଇଛି ।

ଘନଉଛି ଇରାନ-ଆମେରିକା ବିବାଦ : ଆନ୍ଦୋଳନକାରୀଙ୍କୁ ଟ୍ରମ୍ପଙ୍କ ସହାୟତା ଘୋଷଣା ପରେ ବଢ଼ିଲା ଯୁଦ୍ଧ ଆଶଙ୍କା

ନାବାଳିକା ଚେତାଶୂନ୍ୟ ଅବସ୍ଥାରେ ଛାଡ଼ିଦେଇ ଚମ୍ପଟ ମାରିଥିଲା ଦୁର୍ବୃତ୍ତ । ନାବାଳିକା ଚେତା ଫେରିବା ପରେ ଘରକୁ ଫେରି ପରିବାର ଲୋକଙ୍କୁ ସବୁ ଜଣାଇଥିଲେ । ଏନେଇ ପରିବାର ଲୋକ ଆରଡ଼ି ଫାଣ୍ଡିରେ ଲିଖିତ ଅଭିଯୋଗ କରିଛନ୍ତି । ପୁଲିସ ଦୁଷ୍କର୍ମ ଅଭିଯୋଗରେ  ୫୫ଵର୍ଷିୟ ଵୃଦ୍ଧ ଥାନାରେ ଅଟକ ରଖିଛି । ସେପଟେ ନାବାଳିକାଙ୍କୁ ମେଡିକାଲରେ ଭର୍ତ୍ତି କରାଯାଇଛି। ଗତ କିଛିଦିନ ତଳେ ଚାନ୍ଦବାଲିରେ ଜଣେ ୧୦ବର୍ଷୀୟ ନାବାଳିକାକୁ ଦୁଷ୍କର୍ମ ପରେ ହତ୍ୟା ଘଟଣା ମନରୁ ନଲିଭୁଣୁ ପୁଣି ଧୁଷୁରୀ  ଥାନା ଅଞ୍ଚଳରେ ଘଟଣା ଲଜ୍ଜାରେ ସମସ୍ତଙ୍କ ମୁଣ୍ଡ ତଳକୁ କରିଦେଇଛି।