ମଣିପୁରକୁ ଆୟତ୍ତ କରିବାକୁ ଶାହଙ୍କ ଆକ୍ସନ ପ୍ଲାନ ।  ପଠାଇଲେ CRPFର  ଅତିରିକ୍ତ ୫୦ କମ୍ପାନୀ

କନକ ବ୍ୟୁରୋ: ମଣିପୁର ହିଂସାକୁ ନେଇ ବଡ ଖବର । ଉଗ୍ରବାଦୀଙ୍କୁ ସାବାଡ କରିବେ କେନ୍ଦ୍ର ସରକାର । କଡ଼ାକଡ଼ି ହେବ ରାଜ୍ୟର ସୁରକ୍ଷା ବ୍ୟବସ୍ଥା । ଆଜି ୫୦ ସିଆରପିଏଫ କମ୍ପାନୀକୁ ମଣିପୁରକୁ ପଠାଇଛି କେନ୍ଦ୍ର ଗୃହ ମନ୍ତ୍ରାଳୟ । ମୋଟ ୫୦ହଜାର ଯବାନ ଏବେ ମଣିପୁର ସମ୍ବେଦନଶୀଳ ସ୍ଥାନକୁ ଜଗିବେ । ସେପଟେ ସୁରକ୍ଷା ସ୍ଥିତି ସମୀକ୍ଷା ପାଇଁ ମୁଖ୍ୟମନ୍ତ୍ରୀ ବୀରେନ ସିଂ, ଏନଡିଏ ନେତାଙ୍କ ସହ ବୈଠକ କରିବେ । ଅନ୍ୟପଟେ ହିଂସାକୁ ନେଇ ରାଜନୀତି ଆରମ୍ଭ ହୋଇଛି । ଦେଢବର୍ଷ ବିତିଯାଇଥିଲେ ବି ମଣିପୁର ହିଂସା ବନ୍ଦ କରିବାରେ ସରକାର ବିଫଳ ଓ ନୈତିକତା ଦୃଷ୍ଟିରୁ ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀ ଇସ୍ତଫା ଦେବାକୁ କଂଗ୍ରେସ ଦାବି କରିଛି । ଏଥିସହ ନଭେମ୍ବର ୨୫ରେ ଆରମ୍ଭ ହେବାକୁ ଥିବା ସଂସଦର ଶୀତ ଅଧିବେଶନ ପୂର୍ବରୁ ସରକାର ସର୍ବଦଳୀୟ ବୈଠକ ଡାକନ୍ତୁ ବୋଲି କଂଗ୍ରେସ ଦାବି କରିଛି । 

ସେପଟେ ସୋମବାର ମଣିପୁରର ଜିରିବମ୍ ଜିଲାର ମୈତେଇ ସମ୍ପ୍ରଦାୟର ରିଲିଫ କ୍ୟାମ୍ପରୁ ଆସିଛି ଛାତି ଥରାଇ ଦେବା ଭଳି ଘଟଣା । ଏଠାରୁ ଦୁଇଜଣଙ୍କୁ ଅପହରଣ କରିବା ପରେ ସେମାନଙ୍କୁ ହତ୍ୟା ପରେ ମୁଣ୍ଡ ବିହୀନ କରି ନଦୀରେ ଫିଙ୍ଗି ଦିଆଯାଇଛି । ଆସାମ ସୀମାବର୍ତ୍ତୀ ସହରରୁ ଅପହରଣ ପରେ ତାଙ୍କର ଦୁଇ ସନ୍ତାନ, ପତ୍ନୀ, ଶାଶୁ, ପତ୍ନୀଙ୍କ ଭଉଣୀ ଏବଂ ପୁଅ ମୃତଙ୍କୁ କୁକି ଆତଙ୍କବାଦୀଙ୍କ ଦ୍ୱାରା ବନ୍ଦୀ ଅବସ୍ଥାରେ ହତ୍ୟା କରାଯାଇଥିବା ଜଣେ ବ୍ୟକ୍ତି କୋହଭରା କାନ୍ଥରେ କହିଛନ୍ତି। 

ରବିବାର ହିରୋଇଜଙ୍କ ୬୦ ବର୍ଷିୟା ଶାଶୁ ଏବଂ ତାଙ୍କର ଅଢେଇ ବର୍ଷର ପୁଅର ମୃତଦେହ ଜିରିବାମ ନିକଟ ଏକ ନଦୀରେ ଭାସୁଥିବା ଦେଖିବାକୁ ମିଳିଥିଲା । ନଦୀରେ ଭାସୁଥିବା କିଛି ଭଙ୍ଗା ଗଛର ଶାଖା ମଧ୍ୟରେ ହିରଜିତଙ୍କ ପୁଅର ମୁଣ୍ଡବିହୀନ ମୃତଦେହ ଦେଖିବାକୁ ମିଳିଥିଲା । ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ ବାଳକଟିର ଶରୀରରୁ ବାହୁ ମଧ୍ୟ ନିଖୋଜ ଥିଲା । ସେପଟେ ପୁଅର ଜେଜେମା’ଙ୍କ ଅର୍ଦ୍ଧ ଉଲଗ୍ନ ଶରୀର ନଦୀରେ ଭାସୁଥିବା ଦେଖିବାକୁ ମିଳିଛି ।