କନକ ବ୍ୟୁରୋ : ସୋସିଆଲ ମିଡିଆରେ ବିହାରର ଜଣେ ବାପାଙ୍କ କାହାଣୀ ଭାଇରାଲ ହେଉଛି ଯିଏ ଆଜି ନିଜ ଝିଅ ମାନଙ୍କ ପାଇଁ ଗୌରବ ଅନୁଭବ କରୁଛନ୍ତି ।୭ ଝିଅଙ୍କୁ ନେଇ ଆଜି ତାଙ୍କର ପୂରା ଅଞ୍ଚଳରେ ଭିନ୍ନ ଖାତିର ।

Advertisment

ବିହାର, ଯେଉଁଠି ଝିଅଙ୍କୁ ଯୌତୁକ ଦେବା ଭାରୀ କଷ୍ଟକର ବ୍ୟାପାର । ତେଣୁ ଘରେ ଝିଅ ଜନ୍ମ ହେଲେ ବାପା, ମାଆଙ୍କ ମୁଣ୍ଡରେ ଚିନ୍ତା ପଶେ । ଝିଅଙ୍କୁ ପଢ଼ାଅ, ମଣିଷ କର  ତାପରେ ଅଜସ୍ର ଟଙ୍କା ଖର୍ଚ୍ଚ କରି ବାହା ଦିଅ, ଏ ଚିନ୍ତାରେ ଘାରି ହୁଅନ୍ତି ବାପା , ମାଆ । ସେହି ବିହାରରେ ଜଣେ ବାପା କିନ୍ତୁ ନିଜର ୭ ଝିଅଙ୍କୁ ଆଜି ବେଶ୍ ଗର୍ବିତ ।

 ବିହାର ସାରଣ ଜିଲ୍ଲାର ରାଜକୁମାର ସିଂହ । ପୁଅକୁ ଚାହିଁ ଚାହିଁ ୭ ଝିଅ ହେଲେ । ଅଟା କଳରେ କାମ କରି ୧୦ ପ୍ରାଣୀ କୁଟୁମ୍ବଙ୍କୁ ଚଳାଇବା ତାଙ୍କ ପାଇଁ ଭାରୀ କଷ୍ଟ ହେଉଥିଲା । ୭ ଝିଅ ଜନ୍ମ ହେବାରୁ ସାହିପଡ଼ିଶା ତାଙ୍କୁ ଟାହିଟାପରା କରୁଥିଲେ । ୭ ଝିଅ, ଗୋଟିଏ ପୁଅକୁ ନେଇ ବଖୁରିଏ ଘରେ ଚଳିବା କେତେ କଷ୍ଟ ଆପଣ ସହଜେ ଅନୁମେୟ । କିନ୍ତୁ ଆଜିକା ଦିନରେ ଝିଅମାନେ ତାଙ୍କ ପାଇଁ ଗଢ଼ିଦେଇଛନ୍ତି ସାନଦାର ଘର । ଆଜି ୭ଜଣଯାକ ଝିଅ ପୁଲିସ ବିଭାଗରେ ଅଧିକାରୀ ପଦରେ ନିଯୁକ୍ତ । ଯେଉଁ ବାପା ଝିଅ ମାନଙ୍କ ପାଇଁ ଚିନ୍ତାରେ ରହୁଥିଲେ ଆଜିକା ଦିନରେ ସେ ଝିଅମାନଙ୍କୁ ନେଇ ନିଶ୍ଚିନ୍ତରେ ଦିନ କାଟୁଛନ୍ତି । ସ୍ଥାନୀୟ ଲୋକେ ତାଙ୍କୁ ଖୁବ୍ ସମ୍ମାନ ଦେଉଛନ୍ତି ।