/kanak/media/agency_attachments/2024-07-23t061209958z-vpn68eiq1eknckql8r0y.jpg)
/kanak/media/member_avatars/2025/02/11/2025-02-11t080152817z.jpg)
/kanak/media/media_files/2025/08/09/cuttack-2025-08-09-19-01-55.png)
କନକ ବ୍ୟୁରୋ : ଗୋଟିଏ ଦିନରେ ସକାଳୁ ସକାଳୁ ତିନୋଟି ସିରିଜ ଲୁଟ ଘଟଣାରେ ପୁଲିସକୁ ସଫଳତା । ୩ ଲୁଟେରାଙ୍କୁ ବାନ୍ଧିଲା କଟକ କମିସନରେଟ୍ ପୁଲିସ । ଚୋରା ବାଇକ୍ରେ ଆସି ଚୋରି କରୁଥିଲେ ଦୁର୍ବୃତ୍ତ । ପୁଲିସର ନିଦ ହଜାଇଥିବା ରବି ଗ୍ୟାଙ୍ଗକୁ ପୁଲିସ ଧରିବାରେ ସଫଳ ହୋଇଛି । ଭୁବନେଶ୍ୱରରେ ଆତଙ୍କ ଖେଳାଇଥିବା ରବି ଗ୍ୟାଙ୍ଗକୁ କାବୁ କରିଛି କମିସନରେଟ୍ ପୁଲିସ । କଟୁରୀରେ ହାଣି, ବନ୍ଧୁକ ଦେଖାଇ ଛିନ୍ତାଇ କରୁଥିଲା ଏହି ଗ୍ୟାଙ୍ଗ୍ । ୨୦ଦିନ ପୂର୍ବରୁ ଜେଲ୍ରୁ ବାହାରିଥିବା ରବି ରାଓ, ଏକ ଗ୍ୟାଙ୍ଗ୍ ଗଢ଼ି ଚଳାଇଥିଲା ଆତଙ୍କ ରାଜ୍ । ଗୋଟିଏ ଦିନରେ କଟକରେ ତିନୋଟି ଲୁଟ୍ କରି ପୁଲିସକୁ ଖୋଲା ଚ୍ୟାଲେଞ୍ଜ ଦେଇଥିଲା । କଟକ ସିଡିଏ ଫେଜ-୨ରେ ଭୋର୍ ୫ ଟାରେ ବାଇକ୍ରେ ୩ଜଣ ଆସି ମହିଳାଙ୍କ ବେକରୁ ଚେନ୍ ଛଡ଼ାଇ ନେଲେ । ସକାଳ ୫.୪୦ରେ ବେଲ ଭ୍ୟୂ ଛକ ନିକଟରେ ମର୍ଣ୍ଣି ୱାକ୍ ବେଳେ ଜଣେ ମହିଳାଙ୍କ ଠାରୁ ଲୁଟ୍ କଲେ ଏହା ପରେ ସକାଳ ୬.୩୦ରେ ଜଣେ ବ୍ୟକ୍ତିଙ୍କୁ ବନ୍ଧୁକ ଦେଖାଇ ଲୁଟ୍ କଲେ ।
ଲୁଟେରାଙ୍କୁ ଚିହ୍ନିବା ପୁଲିସ ପାଇଁ ଚ୍ୟାଲେଞ୍ଜିଂ ଥିଲା । ଲୁଟେରା ମାନେ ମାସ୍କ ପିନ୍ଧିଥିଲେ, ନମ୍ୱର ପ୍ଲେଟ୍ ନଥିବା ବାଇକ୍ ବ୍ୟବହାର କରୁଥିଲେ । ଏହାପରେ ଲୁଟେରାଙ୍କୁ ଧରିବାକୁ ପୁଲିସର ଆରମ୍ଭ ହେଲା ଅପରେସନ୍ । ରବି ଓ ତାର ସହଯୋଗୀଙ୍କ ହାତ ଥିବା ଜାଣିବା ପରେ, ୩ଜଣଙ୍କୁ ଗିରଫ କରିବା ସହ ଲୁଟ୍ରେ ବ୍ୟବହୃତ ଚୋରା ବାଇକ୍, ବନ୍ଧୁକ ଓ କଟୁରୀ ମଧ୍ୟ ଜବତ କରିଛି । ରବି ଗ୍ୟାଙ୍ଗଠାରୁ ମଧ୍ୟ ମିଳିଥିବା ଚୋରା ବନ୍ଧୁକ ଲିଙ୍କ ପାଇଁ ସେମାନଙ୍କୁ ରିମାଣ୍ଡରେ ଆଣି ଅଧିକ ପଚାରଉଚରା କରିବ ପୁଲିସ ।