କନକବ୍ୟୁରୋ:ବରିଷ୍ଠ ରାଜନେତା ୫ଥର ବିଧାୟକ ତଥା ପୂର୍ବତନ ରାଜ୍ୟସଭା ସାଂସଦ ଧନେଶ୍ବର ମାଝୀଙ୍କ ପରଲୋକ । ୮୩ ବର୍ଷ ବୟସରେ ହୃଦଘାତରେ କେସିଙ୍ଗା ଡାକ୍ତରଖାନାରେ ମୃତ୍ୟୁ । ହସ୍ପିଟାଲରେ କଥା ହେଉଥିବାବେଳେ ହୃଦଘାତରେ ମୃତ୍ୟୁବରଣ କରିଛନ୍ତି । କଳାହାଣ୍ଡି ଜିଲ୍ଲାର କେସିଙ୍ଗା ଓ ନର୍ଲା ନିର୍ବାଚନ ମଣ୍ଡଳୀରୁ ୫ଥର ବିଧାୟକ ଭାବେ ନିର୍ବାଚିତ ହୋଇଥିଲେ ଧନେଶ୍ବର ମାଝୀ । ବିଜେଡି ପକ୍ଷରୁ ରାଜ୍ୟସଭାକୁ ମଧ୍ୟ ମନୋନୀତ ହୋଇଥିଲେ । ତେବେ ଗତ ମାର୍ଚ୍ଚ ମାସରେ ବିଜେଡି ଛାଡ଼ି ବିଜେପିରେ ମିଶିଥିଲେ ଧନେଶ୍ବର ମାଝୀ ।