ନିର୍ବାଚନ କମିଶନର ଭାବେ ଦାୟିତ୍ବ ନେଲେ ମଧୁସୂଦନ ପାଢୀ । କହିଲେ ଅଧିକ ମତଦାନକୁ ପ୍ରୋତ୍ସାହିତ କରାଯିବ ।

କନକ ବ୍ୟୁରୋ: ରାଜ୍ୟ ନିର୍ବାଚନ କମିଶନର ଭାବେ ଆଜି ଦାୟିତ୍ବ ଗ୍ରହଣ କରିଛନ୍ତି ବରିଷ୍ଠ ଆଇଏଏସ୍ ମଧୁସୂଦନ ପାଢୀ । ଦାୟିତ୍ବ ନେବା ପରେ କନକ ନ୍ୟୁଜକୁ ପ୍ରତିକ୍ରିୟାରେ କହିଛନ୍ତି, ଅବାଧ ଓ ନିରପେକ୍ଷ ନିର୍ବାଚନକୁ ପ୍ରାଥମିକତା ଦିଆଯିବ । ଭୋଟର ମାନେ କିଭଳି ଅଧିକ ସଂଖ୍ୟାରେ ଆସି ମତଦାନ ପ୍ରକ୍ରିୟାରେ ସାମିଲ ହେବେ, ସେଥିପାଇଁ ଭୋଟର ମାନଙ୍କୁ ଆକୃଷ୍ଟ କରାଯିବ । ପ୍ରାଶାସନିକ ବିଭାଗରେ ୩୦ରୁ ଅଧିକ ବର୍ଷର ଅଭିଜ୍ଞତା ଥିବାରୁ ତାକୁ କାମରେ ଲଗାଇବେ ବୋଲି କହିଛନ୍ତି ମଧୁସୂଦନ ପାଢୀ ।