କନକ ବ୍ୟୁରୋ : ବିଜେଡି କର୍ପୋରେଟର  ଅମରେଶ ଜେନାଙ୍କ ବିରୁଦ୍ଧରେ ହୋଇଥିବା ଅଭିଯୋଗକୁ ନେଇ ମୁହଁ ଖୋଲିଲେ ବରିଷ୍ଠ ବିଜେଡି ନେତା ଅଶୋକ ପଣ୍ଡା । ଏହା ଏକ ସ୍ପର୍ଶକାତର ପ୍ରସଙ୍ଗ । ଏ ସଂକ୍ରାନ୍ତରେ ଦଳୀୟ ଶୃଙ୍ଖଳା କମିଟି ଚିନ୍ତା କରିବ ବୋଲି ସେ କହିଛନ୍ତି । ଗତକାଲି ଲକ୍ଷ୍ମୀସାଗର ଥାନାରେ ଜଣେ ଯୁବତୀ ଅମରେଶ ଜେନାଙ୍କ ବିରୁଦ୍ଧରେ  ସଙ୍ଗିନ ଅଭିଯୋଗ ଆଣିଛନ୍ତି । ବିବାହ ପ୍ରତିଶ୍ରୁତି ଦେଇ ଶାରୀରିକ ସମ୍ପର୍କ ରଖିଥିବା ଥାନାରେ ଅଭିଯୋଗ କରିଛନ୍ତି ।

Advertisment

ଏହାକୁ ନେଇ ବିଜେଡି ନେତା ତଥା ପୂର୍ବତନ ମନ୍ତ୍ରୀ ଅଶୋକ ପଣ୍ଡା କହିଛନ୍ତି, "ଗଣମାଧ୍ୟମରୁ ଜାଣିବାକୁ ପାଇଲି ଏଭଳି କିଛି ଅଭିଯୋଗ ହୋଇଛି । ନବୀନ ପଟ୍ଟନାୟକ ବର୍ଷ ବର୍ଷ ଧରି ସ୍ପଷ୍ଟ କରିଦେଇ ଆସିଛନ୍ତି ଯେ ଏଭଳି ଘଟଣାରେ ଆଇନ ତା'ର କାମ କରିବ । ପ୍ରବାଦ ପୁରୁଷ ବିଜୁ ପଟ୍ଟନାୟକ ମଧ୍ୟ ମା'କୁ ସମ୍ମାନର କଥା କହୁଥିଲେ । ନାରୀର ସୁରକ୍ଷାକୁ ସର୍ବୋଚ୍ଚ ପ୍ରାଥମିକତା ଦେଉଛି ଆମ ଦଳ । କୋର୍ଟର ବିଚାରକୁ ଆସିଲେ ଘଟଣାଟି ଜଣା ପଡ଼ିବ । ସୌମ୍ୟାଶ୍ରୀ ହୁଅନ୍ତୁ କି ବଳଙ୍ଗା ଯୁବତୀ ଘଟଣା, ନାରୀର ସୁରକ୍ଷା ସର୍ବୋପରି । ନ୍ୟାୟିକ ବ୍ୟବସ୍ଥା ମଧ୍ୟକୁ ଘଟଣାଟି ଆସିବାକୁ ଦିଅନ୍ତୁ । ଏହି ଘଟଣାରେ କୋର୍ଟ ବିଚାର କରିବେ । ଆପଣ ମାନେ ଅପେକ୍ଷା କରନ୍ତୁ ଦଳ ଏଥିରେ ସାଲିସ କରିବ ନାହିଁ । ଦଳୀୟ ଶୃଙ୍ଖଳା କମିଟି ନିଷ୍ପତ୍ତି ନେବେ ।"

କେତେବେଳେ ଦଳୀୟ ବିଶୃଙ୍ଖଳା ତ କେତେବେଳେ ରାଜନୈତିକ ଅସ୍ଥିରତାକୁ ନେଇ ଚର୍ଚ୍ଚାରେ ରହି ଆସିଛନ୍ତି କର୍ପୋରେଟନ ଅମରେଶ ଜେନା ଓରଫ ବାୟାଁ  । ଏବେ ବାୟାଁଙ୍କ ବିରୋଧରେ ସଙ୍ଗିନ ଅଭିଯୋଗ ଆଣିଛନ୍ତି ଜଣେ ଯୁବତୀ । ଏହାକୁ  ସେ କହିଛନ୍ତି ମୁଁ ସେ ଝିଅକୁ ଜାଣିନି, ମୁଁ ସେ ଝିଅକୁ ଜାଣିନି । ଏହା ମୋ ବିରୁଦ୍ଧରେ ଗୋଟିଏ ବଡ଼ ଷଡ଼୍‌ଯନ୍ତ୍ର । ଏଭଳି କୌଣସି ଘଟଣାରେ ମୋର ସମ୍ପୃକ୍ତି ଥିଲେ ପୁଲିସ ମୋତେ ଗିରଫ କରୁ ।