ଓଡ଼ିଶାରେ ସ୍ଥାପନ ହେବ ସେମି କଣ୍ଡକ୍ଟର ହବ

କନକ ବ୍ୟୁରୋ : ଓଡ଼ିଶାରେ ହେବ ସେମି କଣ୍ଡକ୍ଟର ହବ । ଏନେଇ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଭେଟିଛନ୍ତି ସେମିକନ୍ ଦିଲ୍ଲୀର କର୍ପୋରେଟ ଭାଇସ ପ୍ରେସିଡେଣ୍ଟ ଡକ୍ଟର ଆର ସ୍ୱାମୀନାଥନ । ଲୋକସେବା ଭବନର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିଛନ୍ତି । ସେମି କଣ୍ଡକ୍ଟର ବ୍ୟବହାର ନେଇ ରାଜ୍ୟରେ ଭରପୁର ସୁଯୋଗ ରହିଛି । ଏହାସହିତ ଓଡ଼ିଶାରେ ଆଇ ଆଇ ଟି ଏବଂ ନାଇଜର ଭଳି ବିଶ୍ୱସ୍ତରୀୟ ଶିକ୍ଷାନୁଷ୍ଠାନ ରହିଛି, ଯାହା ସେମି କଣ୍ଡକ୍ଟର ଜରିଆରେ ଭରପୁର ସୁଯୋଗ ଆଣିବ ।

କେବଳ ସୁଯୋଗ ନୁହେଁ ଏହା ମଧ୍ୟ ଛାତ୍ରଛାତ୍ରୀଙ୍କ ଦକ୍ଷତା ବୃଦ୍ଧିରେ ସହକାୟ ହୋଇପାରିବ । ମୁଖ୍ୟମନ୍ତ୍ରୀଙ୍କ ସହ ସାକ୍ଷାତ ପରେ ଏହା କହିଛନ୍ତି ସ୍ୱାମୀନାଥନ । ପୂର୍ବରୁ ଏହି କ୍ଷେତ୍ରରେ ଧାରାକୁ ତ୍ୱରିତ କରିବା ପାଇଁ ବିଭିନ୍ନ ପ୍ରତିଷ୍ଠିତ ବ୍ୟବସାୟିକ ଅନୁଷ୍ଠାନ ରହିଛନ୍ତି । ତେଣୁ ଏହା ଓଡ଼ିଶାର ସାମଗ୍ରୀକ ବିକାଶରେ ଉନ୍ନତି କରିପାରିବ ।