କ୍ୟାପିଟାଲ ହସ୍ପିଟାଲରେ କୁଢ କୁଢ ଅଳିଆ ; ଦୁର୍ଗନ୍ଧରେ ଫାଟି ପଡୁଛି ପୁରା ପରିବେଶ

କନକ ବ୍ୟୁରୋ: ୪୮ ଘଣ୍ଟାରୁ ଉର୍ଦ୍ଧ୍ୱ ସମୟ ବିତିଥିଲେ ମଧ୍ୟ କ୍ୟାପିଟାଲ ହସ୍ପିଟାଲରେ ସୁଧୁରିନି ସଫେଇ କାର୍ଯ୍ୟ। ଚାରିଆଡେ ପଡି ରହିଛି କୁଢ଼ କୁଢ଼ ଅଳିଆ ଆବର୍ଜନା। ଧାରଣାରେ ଏବେବି ବସିଛନ୍ତି ହସ୍ପିଟାଲର ସଫେଇ କର୍ମଚାରୀ। ଦାବି ପୂରଣ ନ ହେବା ପର୍ଯ୍ୟନ୍ତ ଧା ରଣା ଜାରି ରହିବ ବୋଲି କହିଛନ୍ତି ସଫେଇ କର୍ମଚାରୀ।

ଦରମା ବୃଦ୍ଧି ସହ ବୋନସ୍ ପ୍ରଦାନ, ତା ସାଙ୍ଗକୁ ଅନ୍ୟ ଦାବି ନେଇ ଆନ୍ଦୋଳନରେ ବସିଛନ୍ତି କ୍ୟାପିଟାଲ ହସ୍ପିଟାଲ ସଫେଇ କର୍ମଚାରୀ । ଦୀର୍ଘ ଦିନ ହେବ ଦରମା ବଢାଇବାକୁ ଦାବି କରିଆସୁଥିଲେ ବି ସେମାନଙ୍କୁ ନିଯୁକ୍ତ କରିଥିବା କଣ୍ଟ୍ରାକ୍ଟର ଶୁଣୁନାହାଁନ୍ତି ଥରେ ସେମାନଙ୍କ ସମସ୍ୟା ଶୁଣିବାକୁ ଆସୁନାହାଁନ୍ତି । ଏଥିରେ ଅସନ୍ତୁଷ୍ଟ ହୋଇ ସଫେଇ କର୍ମଚାରୀମାନେ କାର୍ଯ୍ୟଛାଡ ଆନ୍ଦୋଳନ କରୁଛନ୍ତି । ସେମାନଙ୍କ ଦାବି ପୂରଣ ନହେବାଯାଏଁ ଆନ୍ଦୋଳନରୁ ଉଠିବେ ନାହିଁ ବୋଲି ଜିଦିରେ ଅଛନ୍ତି ସଫେଇ କର୍ମଚାରୀ ।