କନକ ବ୍ୟୁରୋ: ଭାରତର ଯୁବ ତାରକା ଶୁଭମନ ଗିଲ, ରିଷଭ ପନ୍ତ ଏବଂ ଯଶସ୍ୱୀ ଜୟସ୍ୱାଲ ଇଂଲଣ୍ଡ ବିପକ୍ଷରେ ପ୍ରଥମ ଟେଷ୍ଟରେ ଶତକ ହାସଲ କରିଥିଲେ । ଯାହା ୨୨ ବର୍ଷ ପୂର୍ବେ ଅଗଷ୍ଟ ମାସରେ ଖେଳାଯାଇଥିବା ଟେଷ୍ଟ ମ୍ୟାଚର ସ୍ମୃତିକୁ ତାଜା କରିଦେଇଥିଲା, ଯେତେବେଳେ ସଚିନ ତେନ୍ଦୁଲକର, ରାହୁଲ ଦ୍ରାବିଡ ଏବଂ ସୌରଭ ଗାଙ୍ଗୁଲି ସମାନ ହେଡିଂଲି ଗ୍ରାଉଣ୍ଡରେ ଇଂଲଣ୍ଡ ବିପକ୍ଷରେ ଶତକ ହାସଲ କରି ଇତିହାସ ସୃଷ୍ଟି କରିଥିଲେ ।

Advertisment

ଏହି କିମ୍ବଦନ୍ତୀମାନଙ୍କ ଇନିଂସ ସେତେବେଳେ ଭାରତର ବିଶାଳ ବିଜୟର ମୂଳଦୁଆ ପକାଇଥିଲା, ଏବଂ ଆଜି 'ପରବର୍ତ୍ତୀ ପିଢ଼ି'ଙ୍କ ଏହି ଇନିଂସ ଟିମ୍ ଇଣ୍ଡିଆକୁ ଆଉ ଏକ ଐତିହାସିକ ବିଜୟ ଆଡ଼କୁ ନେଇଯାଇପାରେ । ବିଶେଷକରି ବିରାଟ କୋହଲି ଏବଂ ରୋହିତ ଶର୍ମାଙ୍କ ପରେ ଏହି ପ୍ରଦର୍ଶନ ପ୍ରମାଣିତ କଲା ଯେ ଭାରତର ବ୍ୟାଟିଂ ଲାଇନ-ଅପ୍ ଏବେ ବି ଶକ୍ତିଶାଳୀ ଅଛି । 

୨୦୦୨ ମସିହାରେ, ଯେତେବେଳେ ଏହି ତିନି ମହାରଥୀ ଶତକ ହାସଲ କରିଥିଲେ, ସେତେବେଳେ ଏହି ଟେଷ୍ଟ ମ୍ୟାଚ ଡ୍ର ରହିଥିଲା । ଏହା ଦେଶର କ୍ରିକେଟ୍ ଇତିହାସରେ ଏକ ନୂତନ ଯୁଗର ଆରମ୍ଭ ଥିଲା । ଆଉ ତା ପରେ ଭାରତ ବିଦେଶରେ ନିଜ ବିଜୟ ଅଭିଯାନର ମୂଳଦୁଆ ପକାଇଥିଲା । ତଥାପି, ଜୟସୱାଲ ଏବଂ ଗିଲଙ୍କ ସମ୍ମୁଖରେ ଚ୍ୟାଲେଞ୍ଜ କିଛିଟା ଭିନ୍ନ । ଏହି ଯୁବ ଖେଳାଳିମାନଙ୍କୁ ସେହି ମହାନ ଖେଳାଳିଙ୍କ ଐତିହ୍ୟକୁ ଆଗକୁ ବହନ କରିବାକୁ ପଡିବ ଯେଉଁମାନେ ବିଦେଶ ମାଟିରେ ମଧ୍ୟ ଦଳକୁ ଶକ୍ତିଶାଳୀ କରିଥିଲେ ।

ଭାରତ ସେତେବେଳେ ସେହି ଟେଷ୍ଟ ମ୍ୟାଚର ପ୍ରଥମ ଇନିଂସରେ ୮ ଓ୍ୱିକେଟ ହରାଇ ୬୨୮ର ବିଶାଳ ସ୍କୋର କରି ଇଂଲଣ୍ଡକୁ ଏକ ଇନିଂସ ଏବଂ ୪୬ ରନରେ ପରାସ୍ତ କରିଥିଲା । ସେହି ମ୍ୟାଚ୍ ରେ ରାହୁଲ ଦ୍ରାବିଡ ୧୪୮, ସଚିନ ତେନ୍ଦୁଲକର ୧୯୩, ଏବଂ ସୌରଭ ଗାଙ୍ଗୁଲି ୧୨୮ ରନ କରିଥିଲେ ।