ବୈଜ୍ଞାନିକଙ୍କ କମାଲ: ଆବିଷ୍କାର କଲେ ହଜାର ହଜାର ବର୍ଷ ପୂର୍ବର ମହିଳାଙ୍କ ଚିତ୍ର

କନକ ବ୍ୟୁରୋ: ବୈଜ୍ଞାନିକଙ୍କ କମାଲ । ଡିଏନଏ ବ୍ୟବହାର କରି ୧୦,୫୦୦ ବର୍ଷ ତଳର ମହିଳାଙ୍କ ଚେହେରା କଲେ ଆବିଷ୍କାର । ଗେଣ୍ଟ ବିଶ୍ବବିଦ୍ୟାଳୟର ରିସର୍ଚ୍ଚ ପ୍ରାଗ୍‌ ଐତିହାସିକ ବେଲଜିୟମର ମହିଳାର ରୂପ ପୁଣି ଥରେ ଆବିଷ୍କାର କରାଯାଇଛି ଯାହା ୧୦,୫୦୦ ବର୍ଷ ପୂର୍ବରୁ ମ୍ୟୁଜ ଘାଟିରେ ରହୁଥିଲେ । ୧୯୮୮ରେ ମେସୋଲିଥିକ ମହିଳାଙ୍କ ଅବଶେଷ ମାର୍ଗାଅକ୍ସ ଗୁମ୍ପାରୁ ମିଳିଥିଲା । ମହିଳା ଜଣଙ୍କ ପଶ୍ଚିମ ୟୁରୋପର ଜଣେ ଶିକାରୀ-ସଂଗ୍ରହକାରୀ ଥିଲେ ।     

ଡିଏନଏ ଅଧ୍ୟୟନରୁ ଜଣାପଡିଲା ଯେ ମାର୍ଗୋ ମହିଳାଙ୍କ ଆଖି ନିଳ ଥିଲା । ଠିକ୍ ଚେଡର ପୁରୁଷ ପରିଙ୍କ ଭଳି ।  ତଥାପି, ପଶ୍ଚିମ ୟୁରୋପରେ ଏପର୍ଯ୍ୟନ୍ତ ପରୀକ୍ଷିତ ଅନ୍ୟ ଅଧିକାଂଶ ମେସୋଲିଥିକ ବ୍ୟକ୍ତିଙ୍କ ତୁଳନାରେ ଏହି ମହିଳାଙ୍କ ରଙ୍ଗ ଟିକେ ହାଲୁକା ଥିଲା । ଏହି ମହିଳାଙ୍କର ଜୀବନଶୈଳୀକୁ ବୁଝିବା ପାଇଁ ବୈଜ୍ଞାନିକମାନେ ଶାରୀରିକ, ଆନୁବଂଶିକ  ଓ ପୁରାତାତ୍ତ୍ୱିକ ତଥ୍ୟ ବ୍ୟବହାର କରିଛନ୍ତି ।

ମସ୍ତିଷ୍କ ବିଶ୍ଳେଷଣରୁ  ଜଣାପଡିଛି ମହିଳାଙ୍କ ବୟସ ୩୫–୬୦ ବର୍ଷ ମଧ୍ୟରେ ଜଣାପଡିଛି । ତାଙ୍କର କିଛି ବୈଶିଷ୍ଟ୍ୟ, ଯେପରିକି ତାଙ୍କର ଅଳଙ୍କାର ଏବଂ ଟାଟୁ, ମ୍ୟୁଜ୍ ନଦୀ ଅବବାହିକାରେ ପୂର୍ବ ଖନନରୁ ସଂଗୃହୀତ ପ୍ରତ୍ନତାତ୍ତ୍ୱିକ ତଥ୍ୟ ଉପରେ ଆଧାରିତ । ଏହା ଗବେଷକମାନଙ୍କୁ ମହିଳାଙ୍କ ଦୈନନ୍ଦିନ ଜୀବନର ଏକ ଚିତ୍ର ନିର୍ମାଣ କରିବାରେ ସାହାଯ୍ୟ କରିଥିଲା । ତାଙ୍କର ରଙ୍ଗ, କେଶ ଏବଂ ଆଖି ସବୁ ପ୍ରାଚୀନ ଡିଏନଏ ଉପରେ ଆଧାରିତ ।