ଆପକୁ ବଳ ଦେବ କି ସଞ୍ଜିବନୀ?

କନକ ବ୍ୟୁରୋ: ଦିଲ୍ଲୀରେ ଆସନ୍ତାବର୍ଷ ବିଧାନସଭା ନିର୍ବାଚନ ହେବାକୁ ଅଛି । ଆଉ ଏହା ପୂର୍ବରୁ ସିନିୟର ଭୋଟରଙ୍କ ଭୋଟ୍ ହାତେଇବାକୁ ବଡ଼ ଗେମ୍ ଖେଳିଛି ଆମ୍ ଆଦମୀ ପାର୍ଟି । ଦିଲ୍ଲୀର ସମସ୍ତ ବୟସ୍କଙ୍କ ପାଇଁ ‘ସଞ୍ଜିବନୀ ଯୋଜନା’ର ଘୋଷଣା କରିଛି ଦିଲ୍ଲୀର ଆମ୍ ଆଦମୀ ପାର୍ଟି ସରକାର । ଯେଉଁଥିରେ ୬୦ ବର୍ଷରୁ ଅଧିକ ବୟସ୍କ ସମସ୍ତ ନାଗରିକଙ୍କୁ ନିଶୁଳ୍କ ମେଡିକାଲ ସେବା ଯୋଗାଇଦେବେ ଦିଲ୍ଲୀ ସରକାର ।

Advertisment

ତେବେ ରାଜନୈତିକ ମହଲରେ ଏବେ ଦିଲ୍ଲୀ ସରକାରର ଏହି ଯୋଜନାକୁ ନେଇ ଚର୍ଚ୍ଚା ବଢିଛି । କାହିଁକି ନା, ଆସନ୍ତାବର୍ଷ ଦିଲ୍ଲୀରେ ବିଧାନସଭା ନିର୍ବାଚନ ହେବାକୁ ଅଛି । ଯେଉଁଥିରେ ଆପକୁ ଟକ୍କର ଦେବ ବିଜେପି । ଗୋଟିଏ ପଟେ ବିଜେପି ଆୟୁଷ୍ମାନ ଯୋଜନାକୁ ନେଇ ଲୋକଙ୍କ ପାଖରେ ପହଞ୍ଚିବାକୁ ଚେଷ୍ଟା କରୁଥିବାବେଳେ, ଅନ୍ୟପଟେ ଆପ୍ ଏବେ ସଞ୍ଜିବନୀ ଯୋଜନାର ଘୋଷଣା କରି ବିଜେପିକୁ ଟକ୍କର ଦେବାକୁ ଲକ୍ଷ୍ୟ ରଖିଛି ।

ଜାଣିରଖିବା ଉଚିତ୍ ଯେ, ଦିଲ୍ଲୀରେ ଏବେ ଆୟୁଷ୍ମାନ ଯୋଜନା କାର୍ୟ୍ୟକାରୀ ହେଉନି । ଯାହାକୁ ନେଇ ଅନେକ ସମୟରେ ଆପ୍ ସରକାରକୁ ଟାର୍ଗେଟ କରିଥାଏ ବିଜେପି । ଅନ୍ୟପଟେ ଆପର କହିବା କଥା, ଆୟୁଷ୍ମାନ ଯୋଜନାଠୁ ଦିଲ୍ଲୀ ସରକାରର ନିଜର ହେଲଥ୍ ସ୍କିମ୍ ଭଲ ଅଟେ । ତେଣୁ ଦିଲ୍ଲୀରେ ଆୟୁଷ୍ମାନ ଯୋଜନା କାର୍ୟ୍ୟକାରୀ କରାଯାଉନି ବୋଲି ଆପ୍ କହିଛି ।

ସଞ୍ଜିବନୀ ଯୋଜନା

ଦିଲ୍ଲୀ ସରକାର ଦିଲ୍ଲୀର ବୟସ୍କ ଲୋକଙ୍କ ପାଇଁ ସଞ୍ଜିବନୀ ଯୋଜନାର ଘୋଷଣା କରିଛନ୍ତି
ଯେଉଁଥିରେ ୬୦ ବର୍ଷରୁ ଅଧିକ ବୟସ୍କ ଲୋକଙ୍କୁ ନିଶୁଳ୍କ ମେଡିକାଲ ସେବା ଯୋଗାଇଦେବେ ସରକାର
ବୟସ୍କ ଲୋକଙ୍କ ମାଗଣାରେ ଚିକିତ୍ସା କରିବେ ଦିଲ୍ଲୀ ସରକାର
ଏଥିପାଇଁ ଆପ୍ କାର୍ୟ୍ୟକର୍ତ୍ତା ଘର ଘର ବୁଲି ପଞ୍ଜୀକରଣ କରିବେ
ସଞ୍ଜିବନୀ ଯୋଜନାର ଲାଭ ସବୁ ବର୍ଗର ଲୋକ ଉଠାଇପାରିବେ, ଏଥିରେ ଆୟ ସୀମା ରହିବ ନାହିଁ