ସମ୍ବଲପୁର ଇଣ୍ଡିଆନ୍ ପବ୍ଲିକ୍ ସ୍କୁଲ୍‌କୁ ଶ୍ରେଷ୍ଠ ସ୍କୁଲ୍ ଏବଂ ଶ୍ରେଷ୍ଠ ପ୍ରିନ୍ସିପାଲ୍ ଆୱାର୍ଡ

କନକ ବ୍ୟୁରୋ : ଇଣ୍ଡିଆନ୍ ପବ୍ଲିକ୍ ସ୍କୁଲ୍ ସମ୍ବଲପୁର ଏବଂ ଏହାର ପ୍ରଧାନ ଶିକ୍ଷକ ଶ୍ରୀ ପାଠକ ସଚିନ ସୁଧୀରଙ୍କୁ ଗ୍ଲୋବାଲ୍ ଏଜୁକେଟର୍ସ ଏକ୍ସିଲେନ୍ସ ଆୱାର୍ଡ ୨୦୨୫ ଅଧୀନରେ ଶ୍ରେଷ୍ଠ ସ୍କୁଲ୍ ଏବଂ ଶ୍ରେଷ୍ଠ ପ୍ରିନ୍ସିପାଲ୍ ଆୱାର୍ଡରେ ସମ୍ମାନିତ କରାଯାଇଛି । ଏହି ସମ୍ମାନ ତାଙ୍କୁ ଅକ୍ଟୋବର ୫ ରେ ଅନଲାଇନରେ ଆୟୋଜିତ ଏକ ପୁରସ୍କାର ବିତରଣୀ ଉତ୍ସବରେ ମିଳିଥିଲା । ଇଣ୍ଡିଆନ୍ ପବ୍ଲିକ୍ ସ୍କୁଲକୁ ଶିକ୍ଷା କ୍ଷେତ୍ରରେ ସାମଗ୍ରିକ ବିକାଶ ଯେପରିକି ଶିକ୍ଷାଗତ ପ୍ରଦର୍ଶନ, ଛାତ୍ର ବିକାଶ, ଅଭିନବତା, ପରିବେଶ ସୁରକ୍ଷା ଏବଂ ସାମୁଦାୟିକ ଯୋଗଦାନ ଆଧାରରେ ବେଷ୍ଟ ସ୍କୁଲ ଫର୍ ହୋଲିଷ୍ଟିକ୍ ଡେଭଲପମେଣ୍ଟ ୨୦୨୫ ପୁରସ୍କାରରେ ପୁରସ୍କୃତ କରାଯାଇଥିଲା ।

ଏଥିସହ, ସ୍କୁଲର ପ୍ରଧାନ ଶିକ୍ଷକ ପାଠକ ସଚିନ ସୁଧୀରଙ୍କୁ ବେଷ୍ଟ ଡିଷ୍ଟ୍ରିକ୍ଟ ସ୍କୁଲ୍ ପ୍ରିନ୍ସିପାଲ୍ ୨୦୨୫ ଆୱାର୍ଡରେ ସମ୍ମାନିତ କରାଯାଇଥିଲା । ତାଙ୍କ ବିଦ୍ୟାଳୟ ପ୍ରତି ତାଙ୍କର ଦକ୍ଷ ପରିଚାଳନା, ନିଷ୍ଠା, କଠିନ ପରିଶ୍ରମ ଏବଂ ଉତ୍ତମ ସ୍କୁଲ ପରିଚାଳନା ପାଇଁ ଏହି ସମ୍ମାନ ତାଙ୍କୁ ଦିଆଯାଇଥିଲା । ସ୍କୁଲ ଏବଂ ପ୍ରଧାନ ଶିକ୍ଷକଙ୍କୁ ଏହି ପୁରସ୍କାର ମିଳିବା ପରେ ସମଗ୍ର ବିଦ୍ୟାଳୟ ପରିବାରରେ ଖୁସିର ଲହରୀ ଖେଳିଯାଇଛି । ବିଦ୍ୟାଳୟର ଚେୟାର ପର୍ସନ ଏବଂ ମୁଖ୍ୟ ନିର୍ଦ୍ଦେଶକ ଶ୍ରୀମତୀ ସୁମନ ଡାଲମିଆ ଏବଂ କେଶବ ଡାଲମିଆ ସ୍କୁଲର ଏହି ସଫଳତା ପାଇଁ ପ୍ରଧାନ ଶିକ୍ଷକ ଏବଂ ସମସ୍ତ ଶିକ୍ଷକଙ୍କୁ ଅଭିନନ୍ଦନ ଜଣାଇଛନ୍ତି ।

ଏହା ସହିତ ସ୍କୁଲର ସମସ୍ତ ବିଭାଗୀୟ ମୁଖ୍ୟମାନେ ଯଥା ରଶ୍ମି ରେଖା ପଣ୍ଡା, ବିକ୍ରମ ଷଡ଼ଙ୍ଗୀ, ହେମନ୍ତ କୁମାର ଯାଦବ, ବିଜୟ କୁମାର ପ୍ରଧାନ, ନିଲିପ୍ତା ସାହୁ, ମିଥିଳେଶ ଝା, ତପନ ଦ୍ୱିବେଦୀ, ପ୍ରଫୁଲ୍ଲ ଗୌଡ, ରଶ୍ମିତା ପଣ୍ଡା ପ୍ରମୁଖ ଏହି ଚମତ୍କାର ସଫଳତା ପାଇଁ ଅଭିନନ୍ଦନ ଜଣାଇଛନ୍ତି । ଏହି ସମ୍ମାନ ଗ୍ରହଣ କରିବା ପରେ ପ୍ରଧାନ ଶିକ୍ଷକ କହିଛନ୍ତି ଯେ ଏହି ସମ୍ମାନ ତାଙ୍କର ବ୍ୟକ୍ତିଗତ ଦକ୍ଷତା ପାଇଁ ନୁହେଁ, ବରଂ ବିଦ୍ୟାଳୟର ସମସ୍ତ ଶିକ୍ଷକଙ୍କ ଦଳଗତ କାର୍ଯ୍ୟର ଫଳ । ସେ ଏହାକୁ ସ୍କୁଲରେ ଶିକ୍ଷା କ୍ଷେତ୍ରରେ ଉତ୍କୃଷ୍ଟ ପ୍ରଦର୍ଶନ ଏବଂ ଉତ୍ତମ କାର୍ଯ୍ୟର ଏକ ପରିଚୟ ବୋଲି ବର୍ଣ୍ଣନା କରିଛନ୍ତି ।