କନକ ବ୍ୟୁରୋ:  ସମ୍ବଲପୁର ଦେବଝରଣ ଜଳପ୍ରପାତରେ ଅଘଟଣ । ପାଣିରେ ବୁଡ଼ି ୨ ଡାକ୍ତରୀ ଛାତ୍ର ମୃତ। ବୁର୍ଲା ଭୀମସାରର ୨ଜଣ ଡାକ୍ତରୀ ଛାତ୍ରଙ୍କର ପାଣିରେ ବୁଡି ମୃତ୍ୟୁ ଘଟିଛି । ଅପରାହ୍ନ ୨ଟା ସମୟରେ ଭୀମସାରର କିଛି ଛାତ୍ର ଛାତ୍ରୀ ଯୁଯୁମୁରା ଦେବଝରଣ ଜଳ ପ୍ରପାତକୁ ବୁଲିବାକୁ ଆସିଥିଲେ l ଗାଧେଇବା ସମୟରେ ଜଳପ୍ରପାତରେ ବୁଡ଼ ଯାଇଥିଲେ ଜଣେ ଛାତ୍ର ଓ ଅନ୍ୟଜଣେ ଛାତ୍ରୀ ।

Advertisment

ତୁରନ୍ତ ସ୍ଥାନୀୟ ଲୋକେ ଖୋଜା ଖୋଜି କରିଥିଲେ ମଧ୍ୟ ଉଭୟଙ୍କର ପତ୍ତା ମିଳିନଥିଲା । ଅଗ୍ନିଶମ ବିଭାଗ କର୍ମଚାରୀ ଘଟଣା ସ୍ଥଳରେ ପହଁଚି ଉଭୟଙ୍କୁ ଉଦ୍ଧାର କରି ନିକଟସ୍ଥ ମେଡ଼ିକାଲକୁ ନେଇଥିବା ବେଳେ ଡାକ୍ତର ମୃତ ଘୋଷଣା କରିଛନ୍ତି। l ମୃତ ଛାତ୍ର ଜଣକ ସନ୍ଦୀପ ପୁରୀ ଓ ଛାତ୍ରୀ ଜଣକ ମୋନିକା ମୀନା ବୋଲି ଜଣାପଡିଛି ।