ସମ୍ବଲପୁରରେ ଫିଲ୍ମ ଷ୍ଟାଇଲରେ ବ୍ୟବସାୟୀଙ୍କୁ ଅପହରଣ ମାମଲା, ୪ ଅଭିଯୁକ୍ତ ଗିରଫ

କନକ ବ୍ୟୁରୋ :  ସମ୍ବଲପୁରରେ ଫିଲ୍ମ ଷ୍ଟାଇଲରେ ଅପହରଣ ଘଟଣାରେ ୪ ଜଣ ଅଭିଯୁକ୍ତଙ୍କୁ ଗିରଫ କରିଛି ପୁଲିସ । ସିସିଟିଭି ଫୁଟେଜ ଆଧାରରେ ପୁଲିସ ୪ ଜଣଙ୍କୁ ଗିରଫ କରିଛି । ଗତ ରାତିରେ ଟ୍ରାନ୍ସପୋର୍ଟ ବ୍ୟବସାୟୀ ମନୋଜ ବହିଦାର ତାଙ୍କର ଅଇଁଠାପାଲି ସ୍ଥିତ କାର୍ଯ୍ୟାଳୟରେ  ବସିଥିଲେ। ଏହି ସମୟରେ ୫ ଜଣ ପଞ୍ଜାବୀ ଯୁବକ ମାରଣାସ୍ତ୍ର ଧରି ଅଚାନକ ତାଙ୍କର କାର୍ଯ୍ୟାଳୟକୁ  ପ୍ରବେଶ କରି ତାଙ୍କୁ ମରଣାନ୍ତକ ଆକ୍ରମଣ କରିଥିଲେ । କାର୍ଯ୍ୟାଳୟରେ  ଥିବା ୨ ଜଣ ମହିଳା କର୍ମଚାରୀ ମନୋଜଙ୍କୁ ବଞ୍ଚାଇବା ପାଇଁ ପ୍ରୟାସ କରିଥିଲେ । କିନ୍ତୁ ଯୁବକ ମାନେ କାହାରି କଥା ନଶୁଣି ମନୋଜକୁ ପ୍ରବଳ ମାଡ଼ ମାରିଥିଲେ । ଏହାପରେ ଅଫିସରୁ ଘୋଷାଡି ଘୋଷାଡି ନେଇଯାଇଥିଲେ । ଏନେଇ ଅଇଁଠାପାଲି ଥାନାରେ ଏକ ଲିଖିତ ଅଭିଯୋଗ ହୋଇଥିଲା । ତେବେ କାହିଁକି ଅଚାନକ୍ ପଞ୍ଜାବୀ ଯୁବକ ମାନେ ମନୋଜଙ୍କୁ ଆକ୍ରମଣ କଲେ ଏବଂ ଗାଡିରେ ନେଇ ପଳାଇଲେ, ତାହା ଜଣାପଡିନାହିଁ ।