ୟୁକ୍ରେନ ଉପରେ ଋଷର ବଡ଼ ଧରଣର ଏୟାର ଷ୍ଟ୍ରାଇକ୍‌,   ଯାତ୍ରୀବାହୀ ଟ୍ରେନ୍ ଏବଂ ରେଳ ଷ୍ଟେସନରେ ବୋମା ମାଡ଼

କନକ ବ୍ୟୁରୋ:  ଥମୁନି ୟୁକ୍ରେନ୍‌-ଋଷ୍‌  ଯୁଦ୍ଧ  । ପରସ୍ପର ମଧ୍ୟରେ  ଆକ୍ରମଣ ପ୍ରତି ଆକ୍ରମଣ ଜାରିରଖିଛନ୍ତି ।   ଦୁଇ ଦେଶ ମଧ୍ୟରୁ କେହି ନରମିବାକୁ ଚେଷ୍ଟା କରୁନାହାଁନ୍ତି ।  ଜଣେ ଅନ୍ୟ ଜଣଙ୍କ ଉପରେ ଆକ୍ରମଣ  ଜାରି ରଖିଛନ୍ତି । ପୁଣି  ୟୁକ୍ରେନ ଉପରେ  ବଡ଼ ଧରଣରର ଆକ୍ରମଣ କରିଛି  ଋଷ୍‌ । ୟୁକ୍ରେନ୍‌ର ସୁମିରେ ଆକାଶ ମାର୍ଗରୁ ଜୋରଦାର ଆକ୍ରମଣ କରିଛି  ଋଷ୍‌ । ଏହି ଆକ୍ରମଣରେ ୟୁକ୍ରେନର ପ୍ୟାସେନ୍‌ଜର ଟ୍ରେନ୍‌ ଏବଂ ରେଳ ଷ୍ଟେସନକୁ  ଟାର୍ଗେଟ କରିଛି । ଯେଉଁଥିରେ ଅନେକ ଲୋକ ଗୁରୁତର ଳହୋଇଥିବା ସୂଚନା ।  ଏକ ରିପୋର୍ଟ ଅନୁସାରେ  ଏହି ଆକ୍ରମଣ ରେ  ୩୦ ରୁ ଅଧିକ ଲୋକ ଗୁରୁତର ହୋଇଛନ୍ତି । ତେବେ  ଦୁଇ  ମାସ ଧରି  ୟୂକ୍ରେନର ରେଳ ଭିତ୍ତିଭୂମି  ଉପରେ ଟାର୍ଗେଟ କରି ଆସୁଛି ଋଷ୍‌ ।  ରୁଷ ପ୍ରାୟ ପ୍ରତିଦିନ ୟୁକ୍ରେନୀୟ ପରିବହନ ନେଟୱାର୍କ ଉପରେ ଆକ୍ରମଣ କରିଆସୁଛି। ମାତ୍ର ଗୋଟିଏ ଦିନ ପୂର୍ବରୁ, ରୁଷ ଖାରକିଭ ଏବଂ ପୋଲ୍ଟାଭା ଅଞ୍ଚଳରେ ୟୁକ୍ରେନର ରାଷ୍ଟ୍ରାୟତ୍ତ ଗ୍ୟାସ ଏବଂ ତୈଳ କମ୍ପାନୀ, ନାଫ୍ଟୋଗେଜର ଅନୁଷ୍ଠାନ  ଉପରେ ୩୫ଟି କ୍ଷେପଣାସ୍ତ୍ର ଏବଂ ୬୦ଟି ଡ୍ରୋନ୍ ନିକ୍ଷେପ କରିଛି । ଏହି ଆକ୍ରମଣରେ  ପ୍ରାୟ ୮,୦୦୦ ଗ୍ରାହକଙ୍କ ବିଦ୍ୟୁତ୍ ସରବରାହ ବ୍ୟାଘାତ ହୋଇଛି ।   

ରୁଷ-ୟୁକ୍ରେନ ଯୁଦ୍ଧ ୨୦୨୨ ଫେବୃଆରୀରେ ଆରମ୍ଭ ହେବା ପରଠାରୁ ଉଭୟ ଦେଶ ମଧ୍ୟରେ ତିକ୍ତତା ଲାଗି ରହିଛି। ରୁଷର ରାଷ୍ଟ୍ରପତି ଭ୍ଲାଡିମିର ପୁଟିନ ୟୁକ୍ରେନକୁ "ନାଜିମୁକ୍ତ" କରିବା ଏବଂ ନାଟୋର ବିସ୍ତାରକୁ ରୋକିବା ଲକ୍ଷ୍ୟରେ ଏହି ଆକ୍ରମଣ ଆରମ୍ଭ କରିଥିଲେ। ତେବେ, ୟୁକ୍ରେନ ଏବଂ ପାଶ୍ଚାତ୍ୟ ରାଷ୍ଟ୍ରମାନେ ଏହାକୁ ୟୁକ୍ରେନର ସାର୍ବଭୌମତ୍ୱ ଉପରେ ଏକ ଅଯଥା ଆକ୍ରମଣ ବୋଲି ନିନ୍ଦା କରିଛନ୍ତି। ଯୁଦ୍ଧ ଆରମ୍ଭ ହେବା ପରଠାରୁ ଉଭୟ ପକ୍ଷରେ ବହୁ ସଂଖ୍ୟକ ସୈନିକ ଏବଂ ସାଧାରଣ ନାଗରିକ ମୃତାହତ ହୋଇଛନ୍ତି । ତେବେ ଏହି ଆକ୍ରମଣର ସଠିକ୍ ଲକ୍ଷ୍ୟ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ, କିନ୍ତୁ ରୁଷୀୟ ସେନା ପ୍ରାୟତଃ ୟୁକ୍ରେନର ଭିତ୍ତିଭୂମିକୁ ଟାର୍ଗେଟ କରୁଛି । ଯାହା ଫଳରେ ଦେଶର ଅର୍ଥନୀତି ଏବଂ ସାମରିକ କ୍ଷମତା ଦୁର୍ବଳ ହେଉଛି । ରେଳବାଇ ୟୁକ୍ରେନରେ ସାମରିକ ଏବଂ ଅର୍ଥନୈତିକ କାର୍ଯ୍ୟକଳାପ ପାଇଁ ଏକ ଗୁରୁତ୍ୱପୂର୍ଣ୍ଣ ମାଧ୍ୟମ ହୋଇଥିବାରୁ, ଏହାକୁ ଟାର୍ଗେଟ କରିବା ଦ୍ୱାରା ୟୁକ୍ରେନର ପ୍ରତିରକ୍ଷା ପ୍ରୟାସରେ ବାଧା ସୃଷ୍ଟି ହୋଇପାରେ । ୟୁକ୍ରେନର ରାଷ୍ଟ୍ରପତି ଭୋଲୋଡିମିର ଜେଲେନସ୍କି ଏହି ଆକ୍ରମଣକୁ ନିନ୍ଦା କରିଛନ୍ତି ଏବଂ ରୁଷକୁ ଏଥିପାଇଁ ଦାୟୀ କରିଛନ୍ତି ।