ମୋହନଙ୍କ ଆମେ ୨ ଆମର ୩ନୀତି

କନକ ବ୍ୟୁରୋ: ଆମେ ସମସ୍ତେ ଜାଣିଛେ ଭାରତ ଗୋଟିଏ ଜନବହୁଳ ରାଷ୍ଟ୍ର । ବର୍ତ୍ତମାନ ସୁଦ୍ଧା ଆମ ଦେଶର ଜନସଂଖ୍ୟା ୧୪୦ କୋଟି ପାର୍ କରିସାରିଥିବାବେଳେ, ଚୀନ୍ ପଛକୁ ଆମେ ସବୁଠୁ ଅଧିକ ଜନସଂଖ୍ୟା ବିଶିଷ୍ଟ ଦେଶ । ଆଉ ଏପରି ସମୟରେ ଆରଏସଏସର ମୁଖ୍ୟ ମୋହନ ଭାଗବତ ଦେଇଥିବା ୩ ସନ୍ତାନ ବୟାନ ଚର୍ଚ୍ଚା ସୃଷ୍ଟି କରିଛି ।

Advertisment

ଆରଏସଏସର ଶତବାର୍ଷିକୀ ପାଳନ ଅବସରରେ ମୋହନ ଭାଗବତ ପ୍ରତି ପରିବାରରେ ୩ସନ୍ତାନ ଜରୁରୀ ବୋଲି କହିଛନ୍ତି । ଏହାସହ ୩ ସନ୍ତାନରୁ କମ୍‌ ରହିଲେ ବଂଶରକ୍ଷା କଷ୍ଟକର ବୋଲି ମଧ୍ୟ ସେ କହିଛନ୍ତି । ଏହାସହ ଜନସଂଖ୍ୟାରେ ସ୍ଥିରତା ଓ ସମୁଦାୟକୁ ବିଲୁପ୍ତରୁ ରକ୍ଷା ପାଇଁ ଏହା ଜରୁରୀ ବୋଲି କହିବା ସହିତ, ସଠିକ୍‌ ସମୟରେ ବିବାହ ଓ ୩ ସନ୍ତାନ ପ୍ରସବ ସ୍ବାସ୍ଥ୍ୟ ପାଇଁ ଜରୁରୀ ବୋଲି ସେ କହିଛନ୍ତି । ଖାଲି ସେତିକି ନୁହେଁ, ଜନସଂଖ୍ୟା ଅସନ୍ତୁଳନ ବିଭାଜନ ସୃଷ୍ଟିର କାରଣ, ଏହା ଭୂ-ରାଜନୈତିକ ସମସ୍ୟା ସୃଷ୍ଟି କରିପାରେ ଏବଂ ସାମାଜିକ ଓ ଆଞ୍ଚଳିକ ସ୍ଥିତି ଉପରେ ଏହାର ପ୍ରଭାବ ପଡ଼ିବ ବୋଲି ମୋହନ ଭାଗବତ କହିଛନ୍ତି ।

କେଉଁ ଦେଶରେ କଣ ନିୟମ?

ଜାଣିରଖିବା ଉଚିତ ଯେ, ବିଦେଶରେ ସନ୍ତାନ ପ୍ରସବକୁ ନେଇ କଡ଼ା ନିୟମ ରହିଛି । ଚୀନଠୁ ଆରମ୍ଭ କରି ଭିଏତନାମ ଯାଏଁ ସବୁଠି ସନ୍ତାନ ଜନ୍ମ ପାଇଁ ସ୍ବତନ୍ତ୍ର ନିୟମ ରହିଛି । ଚୀନରେ ଗୋଟିଏ ପରିବାରରେ ସର୍ବାଧିକ ୩ଟି ସନ୍ତାନ ପାଇଁ ଅନୁମତି ରହିଛି । ପ୍ରଥମେ ଗୋଟିଏ ପରେ ୨ଟି ଏବଂ ଶେଷରେ ୩ଟି ସନ୍ତାନ ଜନ୍ମ ପାଇଁ ନିୟମ ରହିଛି । ସେହିପରି ଭିଏତନାମରେ ୨ଟି ସନ୍ତାନ ପାଇଁ ନିୟମ ରହିଥିଲା ହେଲେ ପରେ ସାମାନ୍ୟ କୋହଳ ହୋଇଛି ନିୟମ । ଏହାସହ ୨ଟି ସନ୍ତାନ ନିୟମ ଥିବା ଇରାନ ଏବେ ଜନସଂଖ୍ୟା ବୃଦ୍ଧି ପାଇଁ କୋହଳ ନୀତି ଆପଣାଇଛି । ଖାଲି ସେତିକି ନୁହେଁ, ଜାପାନରେ ସନ୍ତାନ ପ୍ରସବ ପାଇଁ ମିଳୁଛି ଆର୍ଥିକ ସହାୟତା । ନାଇଜେରିଆରେ ମଧ୍ୟ ଗୋଟିଏ ପରିବାରରେ ସର୍ବାଧିକ ୪ସନ୍ତାନ ପାଇଁ ଅନୁମତି ରହିଛି । ଏହାବାଦ୍ କାନାଡା, ଟର୍କି, ଦକ୍ଷିଣ କୋରିଆରେ ବି ସ୍ବତନ୍ତ୍ର ନିୟମ ରହିଛି ।

କେଉଁ ରାଜ୍ୟରେ କ’ଣ କଟକଣା?

ଭାରତର କିଛି ରାଜ୍ୟରେ ମଧ୍ୟ ସନ୍ତାନ ଜନ୍ମ ନେଇ କଟକଣା ରହିଛି । ୨ରୁ ଅଧିକ ସନ୍ତାନ ଥିଲେ କିଛି ରାଜ୍ୟରେ ସରକାରୀ ଚାକିରି କରିପାରିବେନି । ଆସାମ ଭଳି ରାଜ୍ୟରେ ଏଭଳି ନିୟମ ଲାଗୁ ହୋଇଛି । ସେହିପରି ଗୁଜୁରାଟରେ ବି ୨ ସନ୍ତାନ ପାଇଁ ନିୟମ ରହିଛି । ଏହାସହିତ ମହାରାଷ୍ଟ୍ର, ତେଲେଙ୍ଗାନା, ଉତ୍ତରପ୍ରଦେଶରେ ବି କଡ଼ା ନିୟମ ରହିଛି । ଆମ ରାଜ୍ୟ ଓଡ଼ିଶାରେ ବି ଅଛି ଏମିତି କିଛି କଟକଣା ।

ନୀତି ନିର୍ଦ୍ଧାରଣର କାରଣ ?

ଦେଶର ଜନସଂଖ୍ୟା
ସାମାଜିକ ଓ ଅର୍ଥନୈତିକ ବ୍ୟବସ୍ଥା
ସାଂସ୍କୃତିକ ମୂଲ୍ୟବୋଧ
ଧାର୍ମିକ ବିଶ୍ବାସ
ଶିକ୍ଷାଗତ ଯୋଗ୍ୟତା
ସରକାରୀ ନୀତି ଓ ପ୍ରୋତ୍ସାହନ
ସ୍ବାସ୍ଥ୍ୟ ଭିତ୍ତିଭୂମି

ବିଳମ୍ବରେ ବିବାହ ବି ସମସ୍ୟା

ଶୀଘ୍ର ବାହା ହେବାକୁ ଚାହୁଁନାହାନ୍ତି ଯୁବପିଢ଼ି
କ୍ୟାରିଅରକୁ ଗୁରୁତ୍ବ ଏକ ପ୍ରମୁଖ କାରଣ
ନିଜ ସ୍ବାଧୀନତା ଛାଡ଼ିବାକୁ ରାଜି ନୁହନ୍ତି
ସ୍ବପ୍ନ ପୂରଣ କରିବା ଆଗକୁ ବିବାହ କଥା ଚିନ୍ତା କରିବାକୁ ଇଚ୍ଛୁକ ନୁହନ୍ତି
ସାଥୀଙ୍କ ଉପରେ ଭରସା କରିପାରୁନାହାନ୍ତି
ଅଧିକ ବୟସରେ ବିବାହ କରିବାକୁ ରାଜି ହେଉଛନ୍ତି ଯୁବପିଢ଼ି
ମନୋମାଳିନ୍ୟ ପରେ ଛାଡ଼ପତ୍ରର ଭୟ
ମାନସିକତା ମେଳ ନଖାଇଲେ ସମ୍ପର୍କରେ ଦୂରତାର ଆଶଙ୍କା