ଆକ୍ସନ ମୋଡ଼ରେ ରାଉରକେଲା ପୋଲିସ; ଚଢାଉ ବେଳେ ବିପୁଳ ପରିମାଣର ବ୍ରାଉନସୁଗାର ସହ ଗଞ୍ଜେଇ ଜବତ

କନକ ବ୍ୟୁରୋ : ନିଶା କାରବାରକୁ ନେଇ ଆକ୍ସନ ମୋଡରେ ରାଉରକେଲା ପୋଲିସ । ମୀନାପଡାରେ ପୋଲିସ ଅଚାନକ ଚଢାଉ କରି ବିପୁଳ ପରିମାଣର ବ୍ରାଉନ ସୁଗାର ଓ ଗଞ୍ଜେଇ ଜବତ କରିବା ସହ ୪ଜଣଙ୍କୁ ଅଟକ ରଖିଛି । ଘଟଣା ସ୍ଥଳରୁ ବ୍ରାଉନ ସୁଗାର ୧୧୪ଟି ପ୍ୟାକେଟ, ୪୦ କେଜି ଗଞ୍ଜେଇ ଜବତ ହୋଇଛି ।

ବ୍ରାଉନ ସୁଗାର ଭଳି ମାରାତ୍ମକ ନିଶା କାରବାରର ଚେର କେଉଁଠି ? କିଏ କିଏ ଏସବୁ ନିଶା ନେଉଥିଲେ ? ଏସବୁର ଖୋଳତାଡ଼ କରୁଛି ପୋଲିସ । ଆଜି ସକାଳୁ ପୋଲିସର ଏକ ଟିମ୍‌ ପ୍ଲାଣ୍ଟ ସାଇଟ ଥାନା ମୀନାପଡା ଓ ମହତାବ ରୋଡ଼ରେ ଅଚାନକ ଚଢାଉ କରି ଆଠଟି ଘରେ ସର୍ଚ୍ଚ ଅପରେସନ ଚଳାଇଥିଲା, ଏହି ସମୟରେ ୩ ମହିଳାଙ୍କ ସହ ୪ ଜଣଙ୍କୁ ଧରିଥିଲା ପୋଲିସ ।