ହର୍ଷିତଙ୍କ ଉପରେ ରାଗିଲେ ରୋହିତ ଶର୍ମା । ପଚାରିଲେ ତୁମ ମନ କେଉଁଠି ?

କନକ ବ୍ୟୁରୋ: ଭାରତୀୟ ଅଧିନାୟକ ରୋହିତ ଶର୍ମା କଟକରେ ଦମଦାର ଇନିଂସ ଖେଳି ଶତକ ହାସଲ କରିଛନ୍ତି । ଚାମ୍ପିୟନ୍ସ ଟ୍ରଫି ପୂର୍ବରୁ ରୋହିତ ଶର୍ମାଙ୍କ ଫର୍ମକୁ ଫେରିବା ଭାରତୀୟ ପ୍ରଶଂସକଙ୍କ ପାଇଁ ନିଶ୍ଚିତ ଭାବରେ ଖୁସି ଖବର । ଇଂଲଣ୍ଡ ଇନିଂସ ପୂର୍ବରୁ, ଭାରତୀୟ ଅଧିନାୟକ ଦ୍ରୁତ ବୋଲର ହର୍ଷିତ ରାଣାଙ୍କ ଉପରେ ପ୍ରବଳ ରାଗି ଯାଇଥିଲେ । ବାରବାଟୀରେ ଏବେ ରୋହିତ ଶର୍ମା ଏବଂ ହର୍ଷିତ ରାଣାଙ୍କ ଭିଡିଓ ସୋସିଆଲ ମିଡିଆରେ ଅଧିକ ଭାଇରାଲ ହେବାରେ ଲାଗିଛି । ପ୍ରକୃତରେ, ଏହି ଘଟଣା ଇଂଲଣ୍ଡ ଇନିଂସର ୩୨ତମ ଓଭରରେ ଘଟିଥିଲା । ହର୍ଷିତ ରାଣା ନିରନ୍ତର ଭଲ ଲେନ୍ଥ୍‌ରେ ବୋଲିଂ କରୁଥିଲେ । କିନ୍ତୁ ଏହି ଓଭରର ପଞ୍ଚମ ବଲ୍‌ରେ, ହର୍ଷିତ ରାଣାଙ୍କ ଭୁଲ୍ ଯୋଗୁଁ, ଇଂଲିସ୍‌ ଦଳକୁ ୪ ରନ୍ ମିଳିଥିଲା । ଏହାପରେ ରୋହିତ ଶର୍ମା ଖୁବ  ଅସନ୍ତୁଷ୍ଟ ଦେଖାଯାଉଥିଲେ । 

'ମୁଁ ହର୍ଷିତ ରାଣାଙ୍କୁ ପଚାରିଲେ ତୁମର ମନ କେଉଁଠି ?' 
ହର୍ଷିତ ରାଣାଙ୍କ ଓଭରର ପଞ୍ଚମ ବଲ୍‌କୁ ଜସ୍ ବଟଲର୍ ଡିଫେନ୍ସ କରିଥିଲେ । କିନ୍ତୁ ହର୍ଷିତ ରାଣା ଜୋଶ୍‌ରେ ପୁଣି ବ୍ୟାଟରଙ୍କ ଆଡ଼କୁ ଥ୍ରୋ‘ କରିଥିଲେ । ଯାହା ପରେ ବଲ୍ ସୀମା ପାର ହୋଇ ଚୌକା ହେଇଗଲା । ଏହିଭଳି ଭାବରେ ଇଂଲଣ୍ଡ ଅତିରିକ୍ତ ୪ ରନ୍ ପାଇଲା । ଏହାପରେ, ଭାରତୀୟ ଅଧିନାୟକ ରୋହିତ ଶର୍ମାଙ୍କ ରାଗ ଦେଖିବା ଯୋଗ୍ୟ ଥିଲା । ରୋହିତ ଶର୍ମା ହର୍ଷିତ ରାଣାଙ୍କୁ ପଚାରିଲେ, ‘ତୁମର ମନ କେଉଁଠି? ସେ କେଉଁଠି ମାରିଛନ୍ତି ? ‘  ଯାହାହେଉ, ରୋହିତ ଶର୍ମାଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହା ବ୍ୟତୀତ, ସୋସିଆଲ ମିଡିଆ ୟୁଜର୍ସମାନେ ଏହି ଭିଡିଓ ନେଇ କମେଣ୍ଟ୍‌ ଦେବାରେ ଲାଗିଛନ୍ତି ।  

ଇଂଲଣ୍ଡ ଅଧିନାୟକ ଜସ୍ ବଟଲର୍ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲେ । ଇଂଲଣ୍ଡ ପ୍ରଥମେ ବ୍ୟାଟିଂ କରିବାକୁ ଆସି ୪୯.୫ ଓଭରରେ ୩୦୪ ରନ କରି ଅଲଆଉଟ୍ ହୋଇଗଲା । ଇଂଲଣ୍ଡ ପକ୍ଷରୁ ଜୋ‘ ରୁଟ୍ ୭୨ ବଲ୍‌ରେ ସର୍ବାଧିକ ୬୯ ରନ୍ କରିଥିଲେ । ଏହା ବ୍ୟତୀତ ଓପନର ବେନ୍ ଡକେଟ୍‌ ୫୬ ବଲ୍‌ରେ ୬୫ ରନ୍ ର ଇନିଂସ ଖେଳିଥିଲେ । ଜସ୍ ବଟଲର୍ ୩୫ ବଲ୍‌ରେ ୩୪ ରନ୍ କରିଥିଲେ । 

ଜବାବରେ, ଭାରତୀୟ ଦଳ ବ୍ୟାଟିଂ କରିବାକୁ ଆସି ଏକ ଭଲ ଷ୍ଟାର୍ଟ୍‌ କରିଥିଲା । ପ୍ରଥମ ୱିକେଟ ପାଇଁ ଭାରତୀୟ ଓପନର ଶୁଭମନ ଗିଲ ଏବଂ ରୋହିତ ଶର୍ମାଙ୍କ ମଧ୍ୟରେ ୧୩୬ ରନର ଭାଗୀଦାରି ହୋଇଥିଲା। ଟିମ୍ ଇଣ୍ଡିଆର ଅଧିନାୟକ ରୋହିତ ଶର୍ମା ୯୦ ବଲ୍‌ରେ ୧୧୯ ରନ୍‌ର ଇନିଂସ ଖେଳିଥିଲେ । ନିଜ ପାଳିରେ ସେ ୧୨ଟି ଚୌକା ଏବଂ ୭ଟି ଛକା ମାରିଥିଲେ । ଶୁଭମନ ଗିଲ ୫୨ ବଲରୁ ୬୦ ରନ କରି ପାଭିଲିୟନ ଫେରିଥିଲେ ।