ନିମାପଡ଼ାରେ ମାତିଛନ୍ତି ଲୁଟେରା; ଘରେ ପଶି ଲକ୍ଷାଧିକ ଟଙ୍କାର ସୁନାଗହଣା ଓ ଟଙ୍କା ଲୁଟ୍

କନକ ବ୍ୟୁରୋ : ଘରେ ପଶି ଲକ୍ଷାଧିକ ଟଙ୍କାର ସୁନାଗହଣା ଚୋରି କଲେ ଦୃର୍ବୃତ୍ତ । ପୁରୀ ଜିଲ୍ଲା ନିମାପଡ଼ା ଥାନା ଜଗନ୍ନାଥ ବିହାର ଓମେନ୍ସ କଲେଜ ଗଳିରେ ଥିବା ଏକ ଘରୁ ଲୁଟ୍ ହୋଇଛି । ଆଜି ଭୋରରୁ କିଛି ଦୃର୍ବୃତ୍ତ ଲକ୍ଷାଧିକ ଟଙ୍କାର ସୁନା ଅଳଙ୍କାର ଓ ନଗଦ ୩୦ ହଜାର ଟଙ୍କା ଲୁଟ୍ କରିଥିବା ନିମାପଡ଼ା ଥାନାରେ ଅଭିଯୋଗ ହୋଇଛି ।

ମନୋରଞ୍ଜନ ପରିଡା ତାଙ୍କ ପତ୍ନୀଙ୍କ ସହ ଜଗନ୍ନାଥ ବିହାରରେ ଘରଭଡ଼ା ନେଇ ରହୁଥିଲେ । ଗତକାଲି ତାଙ୍କ ପତ୍ନୀ ସରସ୍ଵତୀ ମଲ୍ଲଙ୍କୁ ତାଙ୍କ ବାପଘର କନ୍ଧମାଳ ଯିବା ପାଇଁ ବସଷ୍ଟାଣ୍ଡରେ ଛାଡ଼ି ନିଜ ଗାଁ ନାକଡିହକୁ ଏକ ଭୋଜିରେ ଯୋଗଦେବାକୁ ଯାଇଥିଲେ । ରାତି ଅଧିକ ହେବାରୁ ନିଜ ଗାଁରେ ରହିଯାଇଥିଲେ ।

ଆଜି ସକାଳୁ ଭଡାଘରକୁ ଆସି ଦେଖିବା ବେଳକୁ ଘରର ମୁଖ୍ୟ ଦ୍ୱାର ତାଲା ଭଙ୍ଗା ଯାଇଥିଲା । ଗଡ୍ରେଜଡ୍ରେସିଙ୍ଗ ଟେବୁଲ୍ଆଲେଣାର ସମସ୍ତ ଲକର ଭଙ୍ଗି ଦୃର୍ବୁତ୍ତ ଦୁଇ ଭରିରୁ ଅଧିକ ସୁନା ଲୁଟ୍ କରିଛନ୍ତି । ସୁନା ହାରଦୁଇ ପଟ ସୁନା ଚୁଡ଼ିସୁନା ମୁଦି ଚାରୋଟି ନଗଦ ୩୦ ହଜାର ଟଙ୍କା ନେଇଯାଇଛନ୍ତି । ଲୁଟ୍ ବେଳର ଦୃଶ୍ୟ ସିସିଟିଭିରେ କଏଦ ହୋଇଛି । ସିସିଟିଭିର ହାର୍ଡ ଡିସ୍କ ଭାଙ୍ଗି ନେଇଯାଇଥିବା ମନୋରଞ୍ଜନ ତାଙ୍କ ଅଭିଯୋଗରେ ଦର୍ଶାଇଛନ୍ତି । ଦୃର୍ବୃତ୍ତ ମାନେ ମୁହଁରେ ଗାମୁଛା ବାନ୍ଧି ଲୁଟ୍ କରିଥିବା କ୍ୟାମେରାରୁ ଜଣାପଡିଛି ।