କନକ ବ୍ୟୁରୋ: ବ୍ରହ୍ମପୁର ଲାଞ୍ଜିପଲ୍ଲୀ ଜାତୀୟ ରାଜପଥରେ ମର୍ମନ୍ତୁଦ ସଡକ ଦୁର୍ଘଟଣା । ଟ୍ରକ ସହ ବାଇକ ଧକ୍କା ହେବାରୁ ଦମ୍ପତିଙ୍କ ମୃତ୍ୟୁ । ଏହାକୁ ନେଇ ଲାଞ୍ଜିପଲ୍ଲୀରେ ଉତ୍ତେଜନା ସୃଷ୍ଟି ହୋଇଥିଲା । ଘଟଣାସ୍ଥଳରେ ବୈଦ୍ୟନାଥପୁର ଥାନା ପୁଲିସ ପହଞ୍ଚି ଦୁର୍ଘଟଣା ଘଟାଇଥିବା ଡ୍ରାଇବରକୁ ହେପାଜତକୁ ନେଇଛି । ମୃତକ ହେଲେ ଦୁର୍ଗାପ୍ରସାଦ ଶତପଥୀ ଓ ତାଙ୍କ ପତ୍ନୀ ଚିନ୍ମୟରାଣୀ ଶତପଥୀ । କନିଷିରୁ ବ୍ରହ୍ମପୁର ଅଭିମୁଖେ ଆସୁଥିବା ବେଳେ ଲାଞ୍ଜିପଲ୍ଲୀ ଠାରେ ଦମ୍ପତ୍ତିଙ୍କୁ ଚାପି ଦେଇଥିଲା ଟ୍ରକ। ଘଟଣାସ୍ଥଳରେ ପତ୍ନୀଙ୍କ ମୃତ୍ୟୁ ହୋଇଥିବା ବେଳେ ମେଡିକାଲରେ ସ୍ୱାମୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଟ୍ରକ ଡ୍ରାଇଭରଙ୍କୁ ବୈଦ୍ୟନାଥପୁର ଥାନା ପୋଲିସ ଅଟକ ରଖି ତଦନ୍ତ ଚଳାଇଛି ।