ପୁରୀ ସାକ୍ଷୀଗୋପାଳରେ ପିଇବା ପାଣିକୁ ନେଇ ଗଣ୍ଡଗୋଳ : ୪ଗୁରୁତର

କନକବ୍ୟୁରୋ :  ପାଣି ପାଇଁ ଗଣ୍ଡଗୋଳ। ପାଣି ଟାଙ୍କିରୁ ନିଜ ଗାଁରେ ଉତ୍ତେଜନା । ଗଣ୍ଡଗୋଳରେ ୪ଜଣ ଗୁରୁତର ହୋଇ ମେଡିକାଲରେ ଭର୍ତ୍ତି ହୋଇଛନ୍ତି । ଏଭଳି ଏକ ଘଟଣା ଘଟିଛି ପୁରୀ ଜିଲ୍ଲାର ସାକ୍ଷୀଗୋପାଳ ବ୍ଲକ ଶାଣ୍ଡାରା ପଂଚାୟତ ବଡ଼ଭୀମ-ଦାସପୁର ଗାଁରେ । ବଡ଼ଭୀମ-ଦାସପୁର ଗାଁରେ ବସୁଧା ଯୋଜନାରେ ଏକ ଲକ୍ଷ ଲିଟର ବିଶିଷ୍ଟ ପାଣି ଟାଙ୍କି ରହିଛି ।

ଅଧିକ ପଢନ୍ତୁ.. ଏୟାରବସ୍ ଏ୩୨୦ ବିମାନରେ ଯାନ୍ତ୍ରିକ ତ୍ରୁଟି, ଭାରତ ସମେତ ସାରା ବିଶ୍ୱରେ ବିମାନସେବା ପ୍ରଭାବିତ

ଏହି ଟାଙ୍କିରୁ ୪ଟି ଗାଁ- ବଡ଼ଭୀମ-ଦାସପୁର, ସାମନ୍ତରାପୁର , ଜୟରାମପୁର  ଏବଂ ମଝିକେରା ଗାଁର ଲୋକେ ପାଣି ପାଉଛନ୍ତି । ବଡ଼ଭୀମ-ଦାସପୁର ଗାଁ ଲୋକଙ୍କ ଅଭିଯୋଗ ଅନୁସାରେ ପାଣି ଟାଙ୍କିରୁ ଜୋର ଜବରଦସ୍ତ ନୂଆସାହି, ଶାଣ୍ଡାରା, ବାଲିହୁଡ଼ା, ଭୀମଦାସପୁର ଗାଁ ଲୋକେ ପାଣି ନେବାକୁ ଜୋରଜବରଦସ୍ତ ଉଦ୍ୟମ କରୁଛନ୍ତି ।  ଘଟଣାକୁ ନେଇ ୪ଟି ଗାଁ ଲୋକେ ଏକତ୍ରିତ ହୋଇଥିଲେ ।  

ପାଣି ପାଉଥିବା ଗ୍ରାମବାସୀ ଓ ପାଣି ନେବାକୁ ଉଦ୍ୟମ କରୁଥିବା  ଗାଁ ଲୋକଙ୍କ ମଧ୍ୟରେ କଥା କଟାକଟି ହୋଇଥିଲା ।  ପରେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା ।  ଗଣ୍ଡଗୋଳରେ ୪ଜଣ ଗୁରୁତର ହୋଇଥିବା ବେଳେ ଅନେକ ଆହତ ହୋଇଛନ୍ତି । ସାକ୍ଷୀଗୋପାଳ ପୁଲିସ ଅଧିକ ତଦନ୍ତ କରୁଛି ।