୩ ଦିନରେ ମଲେଣି ୨୦ ହଜାର କୁକୁଡା !

କନକ ବ୍ୟୁରୋ: ବଡ ବଡ ଗାତରେ କେମିତି ପୋତା ଚାଲିଛି ହଜାର ହଜାର କୁକୁଡା । ଗାଁରୁ ଗାଁକୁ ଯେପରି ବାର୍ଡ ଫ୍ଲୁ ନବ୍ୟାପେ ସେଥିପାଇଁ ପ୍ରଶାସନର ଏଭଳି ତତ୍ପରତା । ୩ ଦିନରେ ୨୦ ହଜାର କୁକୁଡାଙ୍କୁ ମାରି ପୋତି ଦେଇଛି ରାପିଡ ରେସପନ୍ସ ଟିମ୍ । ପିପିଲି ସାଜିଛି ବାର୍ଡ ଫ୍ଲୁର ହଟସ୍ପଟ । ତେଣୁ ପିପିଲି ସହ ଡେଲାଙ୍ଗ, ସତ୍ୟବାଦୀରେ ବଡ ବଡ କୁକୁଡା ଫାର୍ମରୁ କୁକୁଡା ଖାଲି କରାଯାଉଛି ।

କେମିତି ବ୍ୟାପେ ବାର୍ଡ ଫ୍ଲୁ ?

ବାର୍ଡ ଫ୍ଲୁ ଭୂତାଣୁ ଜନିତ ରୋଗ, ଏହା କୁକୁଡ଼ା ଠାରୁ ମଣିଷକୁ ବ୍ୟାପିଥାଏ
ବାର୍ଡ ଫ୍ଲୁରେ ମରିଥିବା କୁକୁଡ଼ାକୁ ଖାଇଲେ ସଂକ୍ରମଣ ସମ୍ଭାବନା ବଢ଼ିଥାଏ
ରୋଗାକ୍ରାନ୍ତ କୁକୁଡ଼ାର ପର, ଲାଳ, ମଳରୁ ଏହା ବ୍ୟାପିଥାଏ
ମରିଯାଉଥିବା କୁକୁଡାକୁ ଏଣେତେଣେ ପୋଫାଡିଲେ ବ୍ୟାପିଥାଏ ବାର୍ଡ ଫ୍ଲୁ
କୁକୁଡା ସଂସ୍ପର୍ଶରେ ଆସିବା ପରେ କାଶ, ଛିଙ୍କ, ଜ୍ବର ଲାଗି ରହିଲେ ଡାକ୍ତରଙ୍କୁ ଦେଖାନ୍ତୁ

ବାର୍ଡ ଫ୍ଲୁ ସଂକ୍ରମଣ ଭିତରେ ରାପିଡ ରେସପନ୍ସ ଟିମର କୁକୁଡା ନିପାତ ଅଭିଯାନକୁ ବିରୋଧ କରିଛନ୍ତି ପିପିଲିର ୨୦୦ କୁକୁଡା ଚାଷୀ । ମଙ୍ଗଳପୁର ଠାରେ ହାତରେ ବ୍ୟାନର ଧରି ପ୍ରତିବାଦକୁ ଜୋରଦାର କରିଛନ୍ତି କୁକୁଡାଚାଷୀ ।

ବାର୍ଡ ଫ୍ଲୁ ଆତଙ୍କ ଭିତରେ ସବୁ ଜିଲ୍ଲାକୁ ସ୍ବାସ୍ଥ୍ୟ ବିଭାଗ ପକ୍ଷରୁ ଗାଇଡଲାଇନ ଜାରି କରାଯାଇଛି। ସଂକ୍ରମଣ ଯେପରି ନ ବ୍ୟାପିବ ସେଥିପାଇଁ ସର୍ତକ ରହିବାକୁ ନିର୍ଦ୍ଦେଶ ଦିଆଯାଇଛି ।