ଆସମାରେ ରେଳ ଦୁର୍ଘଟଣା ପରେ ଚାଲିଛି ମରାମତି :ଗତକାଲି ଟ୍ରାକରୁ ହଟିଯାଇଥିଲା ୮ଟି ବଗି

କନକବ୍ୟୁରୋ: ଆସାମର ଦିବୋଲଙ୍ଗ ଷ୍ଟେସନ ନିକଟରେ ଅଗରତାଲା-ଲୋକମାନ୍ୟ ତିଲକ ଏକ୍ସପ୍ରେସ ଲାଇନ୍‌ଚ୍ୟୁତ ପରେ ଜୋରସୋରରେ ଚାଲିଛି ପୁନରୁଦ୍ଧାର କାମ। ଗତକାଲିଠାରୁ ପୁନରୁଦ୍ଧାର କାମ ଚାଲିଛି। ଗତକାଲି ଟ୍ରେନ୍‌ର ୮ଟି ବଗି ରେଳ ଧାରଣାରୁ ହଟିଯାଇଥିଲା। ଏହି ଘଟଣାରେ କେହି ମୃତାହତ ହୋଇନଥିବା ରେଳବାଇ ପକ୍ଷରୁ କୁହାଯାଇଛି । ଲୁମଡିଙ୍ଗ ଡିଭିଜନର ଲୁମଡିଙ୍ଗ-ବଦରପୁର ପାହାଡ଼ ସେକ୍ସନରେ ଦୁର୍ଘଟଣା ଘଟିଛି ।

ଉତ୍ତର ପୂର୍ବ ସୀମାନ୍ତ ରେଳ ଜୋନର ମୁଖ୍ୟ ଲୋକ ସମ୍ପର୍କ ଅଧିକାରୀ କହିଛନ୍ତି, ଆସାମର ଡିବ୍ରୁଗଡ଼ ଷ୍ଟେସନରେ ଲୋକମାନ୍ୟ ତିଲକ ଏକ୍ସପ୍ରେସ ଲାଇନଚ୍ୟୁତ ହୋଇଥିଲା ।

ଟ୍ରେନର ପାୱାର କାର୍ ଓ ଇଞ୍ଜିନ୍ ସହ ୮ଟି ବଗି ରେଳ ଧାରଣାରୁ ବାହାରକୁ ପଳାଇଯାଇଥିଲା । ଖବର ପାଇବା ମାତ୍ରେ ରେଳବାଇର ଏକ ଟିମ୍ ଘଟଣାସ୍ଥଳରେ ପହଞ୍ଚିଥିଲେ। ଡିଭିଜନର ବରିଷ୍ଠ ଅଧିକାରୀଙ୍କ ସହ ଉଦ୍ଧାର ଓ ପୁନରୁଦ୍ଧାର କାର୍ଯ୍ୟର ତଦାରଖ ପାଇଁ ଦୁର୍ଘଟଣା ରିଲିଫ୍ ଟ୍ରେନ୍ ଓ ଦୁର୍ଘଟଣା ରିଲିଫ୍ ମେଡିକାଲ ଟ୍ରେନ୍ ଘଟଣାସ୍ଥଳରେ ପହଞ୍ଚିଥିଲେ।