ବଡ଼ଦାଣ୍ଡକୁ ଆସିବେ ମହାବାହୁ, ସଜେଇ ହୋଇଛି ଶ୍ରୀମନ୍ଦିର

ଆଜି କୋଟିପୁଣ୍ୟ ଲାଭ କରିବେ ଶ୍ରଦ୍ଧାଳୁ । ସେଇ କାଳିଆକୁ ଦେଖିବାକୁ ବ୍ୟଗ୍ର ହୋଇ ରହିଛନ୍ତି ଭକ୍ତଗଣ । ଆଜି ସମସ୍ତେ ପତିତପାବନ ଯାତ୍ରାରେ ଏକାକାର ହେବେ । ସଜେଇ ହୋଇଛି ଶ୍ରୀମନ୍ଦିର ।

ଫର ଫର ହୋଇ ଉଡ଼ୁଛି ପତିତପାବନ ବାନା । ନୀଳକନ୍ଦର ଛାଡ଼ି ଆସିବ କାଳିଆ । ଅପେକ୍ଷା କରିଛନ୍ତି ଭକ୍ତମାନେ ।

ବଡ଼ଦାଣ୍ଡକୁ ଆସିବେ ବଡ଼ ଠାକୁର । କାଳିଆର ଅପେକ୍ଷାରେ ନନ୍ଦିଘୋଷ...

ହେ ମହାବାହୁ ! ଆପଣ ଗରିବର ଅବ୍ୟକ୍ତ ପ୍ରାର୍ଥନା ଶୁଣନ୍ତି । ଯୋଡ଼ିଦିଅନ୍ତି ଭଗ୍ନ ହୃଦୟ । ପୋଛିଦିଅନ୍ତି ଭକ୍ତ ଆଖିର ଲୁହ । ଆପଣ ନୀଳଚକ୍ରର ଆଲୋକ, ଧର୍ମର ରକ୍ଷକ ।

ହେ ବିଧାତା, ଆପଣଙ୍କ ଦିବ୍ୟ ଆଭା କେବଳ ରୀତିନୀତି ଏବଂ ପରମ୍ପରାର ବିଷୟ ନୁହେଁ -ବରଂ ଭକ୍ତି, ରହସ୍ୟ ଏବଂ କାଳଜୟୀ ବିଶ୍ୱାସର ଏକ ଜୀବନ୍ତ ଅନୁଭୂତି ।

ବଡ଼ଦାଣ୍ଡରେ ସୁରକ୍ଷା କଡ଼ାକଡ଼ି । ରଥକୁ ଆସିବେ କଳା ସାଆନ୍ତେ । ଏବେଠୁ ଲାଗିଲାଣି ଭିଡ଼

ଚାରବନ୍ଧା ପରେ ରଥ ଉପରକୁ ଆସିଲେ ସାରଥି । ତିନି ସାରଥି ରଥ ଉପରକୁ ଆସିବା ପରେ ଶେଷ ହରିବୋଲ ପକାଇଲେ ଭୋଇ ସେବାୟତ ।