ବିଶ୍ବ ଦେଖିବ ତ୍ରୁଟିଶୂନ୍ୟ ରଥଯାତ୍ରା

କନକ ବ୍ୟୁରୋ: ପ୍ରତିବର୍ଷ ଭଳି ଏ ବର୍ଷ ରଥଯାତ୍ରା ପାଇଁ ଚାଲିଛି ଜୋରସୋରରେ ପ୍ରସ୍ତୁତି । ରଥଖଳାରେ ରଥ ନିର୍ମାଣ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚିଛି । ଶୃଙ୍ଖଳିତ ଭାବେ ସାରିବାକୁ ସମସ୍ତ ଆୟୋଜନ କରାଯାଇଛି । ଏହିସବୁ ପ୍ରସ୍ତୁତିର ଆଜି ଚୂଡ଼ାନ୍ତ ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ । ପୁରୀ ପୌରସଂସ୍ଥାର ଟାଉନ୍ ହଲଠାରେ ଆୟୋଜିତ ବୈଠକରେ ଯୋଗଦେଇ ମନ୍ତ୍ରୀ, ରଥଯାତ୍ରା ପରିଚାଳନା ବ୍ୟବସ୍ଥା ସମ୍ପର୍କରେ ସମୀକ୍ଷା କରିଛନ୍ତି । ବୈଠକରେ ମୁଖ୍ୟମନ୍ତ୍ରୀ...

Advertisment

ଅଘଟଣମୁକ୍ତ ରଥଯାତ୍ରା ଉପରେ ଗୁରୁତ୍ବାରୋପ କରିଛନ୍ତି
ଶ୍ରଦ୍ଧାଳୁମାନେ କେମିତି ଶୃ୍‌ଙ୍ଖଳିତ ଦର୍ଶନ କରିବେ, ଧ୍ୟାନ ଦେବାକୁ ପ୍ରଶାସନକୁ ନିର୍ଦ୍ଦେଶ
ବିଭିନ୍ନ ଜିଲ୍ଲାରେ ଡାଇରିଆ ଯୋଗୁ ସ୍ବାସ୍ଥ୍ୟ ବିଭାଗ ସହ ଅନ୍ୟ ସମସ୍ତ ବିଭାଗ ସୁନାବେଶ ପର୍ଯ୍ୟନ୍ତ ସଜାଗ ରହିବେ
କୌଣସି ସ୍ଥାନରେ ଯେମିତି ଅସ୍ବାସ୍ଥ୍ୟକର ଖାଦ୍ୟ କିମ୍ବା ପାଣି ବିକ୍ରି ନହୁଏ ତାହା ସୁନିଶ୍ଚିତ କରିବା ଜରୁରୀ
ମହାପ୍ରଭୁଙ୍କ ନୀତିକାନ୍ତ ଯେପରି ସୁରୁଖୁରୁରେ ଏବଂ ଠିକ ସମୟରେ ହେବ ସେଥିପାଇଁ ସେବାୟତଙ୍କ ସହଯୋଗ ଲୋଡ଼ିଛନ୍ତି

ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ସମାଗମକୁ ନଜରରେ ରଖି ସୁରକ୍ଷା ଦୃଷ୍ଟିରୁ ସ୍ବତନ୍ତ୍ର ବ୍ୟବସ୍ଥା କରାଯାଇଛି

ରଥଯାତ୍ରା ପାଇଁ ୫ ଥାକିଆ ସୁରକ୍ଷା ବ୍ୟବସ୍ଥା
ଡ୍ରୋନ୍ ଓ ୨୭୫ଟି ଏଆଇ କ୍ୟାମେରା ବ୍ୟବସ୍ଥା
ଡ୍ରୋନ୍ ସହାୟତାରେ ହେବ ଟ୍ରାଫିକ୍ ଓ ଶୃଙ୍ଖଳା ବ୍ୟବସ୍ଥା ପରିଚାଳନା
୧୦ ହଜାରରୁ ଅଧିକ ସୁରକ୍ଷାକର୍ମୀ ମୁତୟନ
ସହରର ସମସ୍ତ ସ୍ଥାନରେ ଆଣ୍ଟି ଟେରରିଷ୍ଟ ଟିମ୍ ରହିବେ
ଆମ୍ବୁଲାନ୍ସକୁ ବାଟ କଢ଼ାଇବା ପାଇଁ ରହିବ ଗ୍ରୀନ୍ କରିଡର୍
ବେଳାଭୂମିରେ ଅଘଟଣ ଏଡ଼ାଇବା ପାଇଁ ଅଧିକରୁ ଅଧିକ ଲାଇଫ୍ ଗାର୍ଡ ମୁତୟନ

ତେବେ ବିଭିନ୍ନ ଜିଲ୍ଲାରେ ଡାଇରିଆ ଲାଗି ରହିଥିବାରୁ ସତର୍କ ହୋଇଛି ସ୍ବାସ୍ଥ୍ୟ ବିଭାଗ । ଏଥିପାଇଁ ୨୬୮ଟି ଜରୁରିକାଳୀନ ଶଯ୍ୟା ସହ ବର୍ଣ୍ଣ ୱାର୍ଡ, ଡାଇରିଆ ପାଇଁ ସ୍ୱତନ୍ତ୍ର ବ୍ୟବସ୍ଥା ହୋଇଛି । ଏହାସହ ମୋବାଇଲ୍ ହସ୍ପିଟାଲ୍, ଆକ୍ସିଡେଣ୍ଟ୍ ରିକଭରି ଭ୍ୟାନ୍, ଫ୍ରି ଫ୍ଲୋଇଂ କରିଡର ବ୍ୟବସ୍ଥା ଉପରେ ଫୋକସ୍ ରହିବ । ସମୀକ୍ଷା ବୈଠକରେ ମୁଖ୍ୟମନ୍ତ୍ରୀଙ୍କ ଦ୍ୱାରା ରଥଯାତ୍ରା ରୂପରେଖ ପୁସ୍ତିକା ଉନ୍ମୋଚିତ ହୋଇଛି ।