ଦେଖ ହୋ ଭକତେ ଖୋଲିଗଲା ସିଂହଦ୍ୱାର, ଆସିବ କଳା ଠାକୁର

ଅନନ୍ତ ଆକାଶ ତଳେ ଚତୁର୍ଦ୍ଧାମୂର୍ତ୍ତିଙ୍କୁ ଅପେକ୍ଷା କରିଛନ୍ତି ତିନି ରଥ । ବାସ୍‌ ଆଉ କିଛି ସମୟ ମାତ୍ର ।

ବଡ଼ଦାଣ୍ଡକୁ ଜଗା ଆସିବ ବୋଲି ଝୁମି ଝୁମି ନାଚୁଛନ୍ତି ନୃତ୍ୟ ଶିଳ୍ପୀ । ଏ ମହାପ୍ରଭୁଙ୍କ ପ୍ରତି ସମର୍ପଣ ନୁହେଁ ତ ଆଉ କଣ ?

ମହାପ୍ରଭୁ ତୁମକୁ ଦେଖିବାକୁ ଦେଖ କେମିତି ଭିଡ଼ ଜମିଲାଣି । କିଏ କେଉଁ କାଳରୁ ଏହି ପବିତ୍ର ଦିନକୁ ଅପେକ୍ଷା କରିଛି ।

ସେ ଜଗତର ଠାକୁର, ତାଙ୍କ ବିନା ଇଚ୍ଛାରେ ପତ୍ରଟିଏ ବି ହଲେନି । ଆଜି ଭକ୍ତର କଥା ଶୁଣିବାକୁ ଭକ୍ତ ପାଖକୁ ଆସିବେ ।

ଜଗନ୍ନାଥମୟ ଶ୍ରୀକ୍ଷେତ୍ର, ବଡ଼ଦାଣ୍ଡ ହେଲାଣି ଜନସମୁଦ୍ର । ଭକ୍ତର ଅସୁବିଧା ହେବନି ବୋଲି ସତେ ଯେମିତି କଳାଠାକୁର କରିଛି ଏ ଗ୍ରିନ କରିଡର ।

ହଳଦିଆ ପାଟ ପିନ୍ଧି ଚାଲିଆସିଲା ପରି ଦିଶୁଛନ୍ତି ମା’ ଲକ୍ଷ୍ମୀ ସାଆନ୍ତାଣୀ , ଗେଣ୍ଡୁମାଳରେ ସଜେଇ ହୋଇ ନବବଧୂ ପରି ଦିଶୁଛି ଶ୍ରୀମନ୍ଦିର ।