କନକ ବ୍ୟୁରୋ: ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ବିଦେଶ ଗସ୍ତକୁ ନେଇ ବିଜେପିର ଟାର୍ଗେଟ୍ । ନୂଆବର୍ଷ ଲୋକସଭା ସାଂସଦ ରାହୁଲ ଗାନ୍ଧୀ ଭିଏତନାମ ଗସ୍ତ କରୁଥିବା ଚର୍ଚ୍ଚା ହେଉଛି । ଯାହାକୁ ନେଇ ଭାରତୀୟ ଜନତା ପାର୍ଟି ପ୍ରଶ୍ନ ଉଠାଇଛି । ଦଳ କହିଛି, ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ଦେହାନ୍ତରେ ରାଷ୍ଟ୍ର ଶୋକ ପାଳୁଥିବା ବେଳେ ରାହୁଲ ବିଦେଶ ଭ୍ରମଣ କରୁଛନ୍ତି । ଏଭିଳି କାର୍ଯ୍ୟ ଦ୍ୱାରା ରାହୁଲ, ପୂର୍ବତନ ପ୍ରଧାନମନ୍ତ୍ରୀଙ୍କୁ ଅପମାନ କରିଥିବା ଅଭିଯୋଗ ଲଗାଇଛି ବିଜେପି । ତେବେ ମନମୋହନ ସିଂହଙ୍କ ସ୍ମୃତି ସୌଧ ନିର୍ମାଣକୁ ନେଇ କଂଗ୍ରେସ – ବିଜେପି ମୁହାଁମୁହିଁ ଭିତରେ ରାହୁଲଙ୍କ ଗସ୍ତକୁ ଦଳ ଟାର୍ଗେଟ୍ କରିଛି ।