ଭୋଟ୍ ଚୋରିକୁ ନେଇ ଅଭିଯାନ ଲଞ୍ଚ୍ କଲେ ରାହୁଲ; ଲୋକଙ୍କୁ ମାଗିଲେ ସମର୍ଥନ

କନକ ବ୍ୟୁରୋ: ବିହାର ବିଧାନସଭା ନିର୍ବାଚନ ପୂର୍ବରୁ ଭୋଟ୍ ଚୋରି ପ୍ରସଙ୍ଗ ଥମିବାର ନା ନେଉନି ।  ଖାସ୍ କରି ରାହୁଲ ଗାନ୍ଧୀ ଜୋରସୋରରେ ଏହି ପ୍ରସଙ୍ଗ ଉଠାଉଥିବାବେଳେ, ନିର୍ବାଚନ ଆୟୋଗ ଉପରେ ଅନେକ ପ୍ରଶ୍ନ ଉଠାଇଛନ୍ତି । ରାହୁଲ ଗାନ୍ଧୀ ପ୍ରୋଜେକ୍ସନ ଲଗାଇ ଏ ଉପରେ ନିର୍ବାଚନ ଆୟୋଗକୁ ତୀର ମାରିଥିବାବେଳେ, ଏବେ ଏହି ପ୍ରସଙ୍ଗରେ ଏକ ଅଭିଯାନ ମଧ୍ୟ ଲଞ୍ଚ୍ କରିଛନ୍ତି ।

वोट चोरी ‘एक व्यक्ति, एक वोट’ के बुनियादी लोकतांत्रिक सिद्धांत पर हमला है।

स्वतंत्र और निष्पक्ष चुनावों के लिए साफ़-सुथरी मतदाता सूची अनिवार्य है।

चुनाव आयोग से हमारी मांग साफ़ है - पारदर्शिता दिखाएं और डिजिटल मतदाता सूची सार्वजनिक करें, ताकि जनता और राजनीतिक दल उसका खुद ऑडिट… pic.twitter.com/BIahCz2YBb

— Rahul Gandhi (@RahulGandhi) August 10, 2025

ଭୋଟର ଲିଷ୍ଟରେ ହେଉଥିବା ଅନିୟମିତତାକୁ ନେଇ କଂଗ୍ରେସର ସାଂସଦ ରାହୁଲ ଗାନ୍ଧୀ ଏକ ଅଭିଯାନ ଲଞ୍ଚ୍ କରିଛନ୍ତି । ସେ କହିଛନ୍ତି ଯେ, ଭୋଟ୍ ଚୋରି ହେଉଛି ଗଣତନ୍ତ୍ରର ସିଦ୍ଧାନ୍ତ ଉପରେ ଆକ୍ରମଣ । ସ୍ୱତନ୍ତ୍ର ଓ ସ୍ୱାଧୀନ ନିର୍ବାଚନ ପାଇଁ ସ୍ୱଚ୍ଛ ଭୋଟର ଲିଷ୍ଟ ଅନିବାର୍ଯ୍ୟ ଅଟେ ।

ରାହୁଲ ଗାନ୍ଧୀ ସୋସିଆଲ୍ ମିଡିଆରେ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ବିଜେପି ଏବଂ ନିର୍ବାଚନ ଆୟୋଗ ଉପରେ ବର୍ଷିଛନ୍ତି । ଏହାସହ ଲୋକମାନଙ୍କୁ ମଧ୍ୟ ସେ ଭୋଟ୍ ଚୋରି ରୋକିବାକୁ ଅପିଲ୍ କରିଛନ୍ତି । ଅନ୍ୟପଟେ ଏହି ଅଭିଯାନରେ ସାମିଲ ହେବାକୁ ରାହୁଲ ଗାନ୍ଧୀ ସମସ୍ତଙ୍କୁ ଅନୁରୋଧ କରିଛନ୍ତି ।