ଆସନ୍ତାକାଲି ରାଧାଅଷ୍ଟମୀ : ଏମିତି କରନ୍ତୁ ମା’ ରାଧାରାଣୀଙ୍କ ଉପାସନା , ପୂରଣ ହେବ ମନୋସ୍କାମନା

କନକ ବ୍ୟୁରୋ : ପ୍ରତିବର୍ଷ ଭାଦ୍ରବ ମାସର ଅଷ୍ଟମୀ ତିଥିରେ ରାଧା ଅଷ୍ଟମୀ ପାଳନ କରାଯାଏ । ଚଳିତବର୍ଷ ୩୧ ଅଗଷ୍ଟ ଅର୍ଥାତ ଆସନ୍ତାକାଲି ରାଧା ଅଷ୍ଟମୀ ପାଳନ କରାଯିବ । ଶ୍ରୀକୃଷ୍ଣ ଜନ୍ମାଷ୍ଟମୀ ପରି ରାଧା ଅଷ୍ଟମୀକୁ ମଧ୍ୟ ବହୁ ଆଡ଼ମ୍ବରରେ ପାଳନ କରାଯାଏ । ଧାର୍ମିକ ମାନ୍ୟତା ଅନୁସାରେ ରାଧା ଅଷ୍ଟମୀ ଦିନ ରାଧା ରାଣୀଙ୍କ ଜନ୍ମ ବରସାନାରେ ହୋଇଥିଲା । ଏହି ଶୁଭ ଅବସରରେ କିଶୋରୀଙ୍କୁ ବିଧିବଦ୍ଧ ଭାବେ ପୂଜା କରାଯାଏ ଏବଂ ତାଙ୍କର ଭବ୍ୟ ଶୃଙ୍ଗାର କରାଯାଏ । ଧାର୍ମିକ ମାନ୍ୟତା ରହିଛି ଯେ ରାଧାରାଣୀଙ୍କର ଏହି ବିଶେଷ ପୂଜା କରିବା ଦ୍ଵାରା ଭକ୍ତମାନଙ୍କର ସମସ୍ତ ମନସ୍କାମନା ପୂରଣ ହୋଇଥାଏ । ସନାତନ ଧର୍ମରେ ରାଧା ଅଷ୍ଟମୀର ବିଶେଷ ମହତ୍ତ୍ଵ ରହିଛି । ରାଧା ଅଷ୍ଟମୀରେ ଶ୍ରୀ କୃଷ୍ଣ ଜନ୍ମାଷ୍ଟମୀ ପରି ବ୍ରତ ରଖାଯାଏ । ଏହି ଦିନ ରାଧା ରାଣୀଙ୍କୁ ପୂଜା କଲେ ମା' ଲକ୍ଷ୍ମୀ ପ୍ରସନ୍ନ ହୁଅନ୍ତି । ରାସେଶ୍ବରୀଙ୍କୁ ପୂଜା-ଉପାସନା କଲେ ବ୍ୟକ୍ତି ସୁଖ, ସମୃଦ୍ଧି, ଧନ ଏବଂ ଐଶ୍ଵର୍ଯ୍ୟ ପ୍ରାପ୍ତ କରିଥାଏ । ବିବାହିତ ଜୀବନ ସୁଖମୟ ରହିଥାଏ ।

ରାଧା ଅଷ୍ଟମୀର ବିଶେଷ ମହତ୍ତ୍ଵ ରହିଛି । ଏହି ଦିନ ବିବାହିତା ମହିଳାମାନେ ସନ୍ତାନ ସୁଖ ଏବଂ ଅଖଣ୍ଡ ସୌଭାଗ୍ୟ ପ୍ରାପ୍ତି ପାଇଁ ବ୍ରତ ରଖିଥା’ନ୍ତି । ପୌରାଣିକ କଥା ଅନୁସାରେ ଯେଉଁ ଲୋକମାନେ ରାଧା ରାଣୀଙ୍କୁ ପ୍ରସନ୍ନ କରିନିଅନ୍ତି, ସେମାନଙ୍କ ଉପରେ ଭଗବାନ ଶ୍ରୀକୃଷ୍ଣ ସ୍ଵତଃ ପ୍ରସନ୍ନ ହୋଇଯାଆନ୍ତି । କୁହାଯାଏ କି ବ୍ରତ କରିବା ଦ୍ଵାରା ଘରେ ମା' ଲକ୍ଷ୍ମୀ ବିରାଜନ୍ତି ଏବଂ ମନସ୍କାମନା ପୂରଣ ହୋଇଥାଏ । ରାଧା ରାଣୀଙ୍କ ବିନା ଭଗବାନ ଶ୍ରୀକୃଷ୍ଣଙ୍କର ପୂଜା ମଧ୍ୟ ଅଧୁରା ବୋଲି ମନେ କରାଯାଏ । ଏହି ଦିନ କିଶୋରୀମାତାଙ୍କୁ ଗୋଲାପ ଫୁଲ ଅର୍ପଣ କରନ୍ତୁ । ଏହା ସହିତ ରାଧା ରାଣୀ ଏବଂ ଶ୍ରୀକୃଷ୍ଣଙ୍କୁ ବିଧିବଦ୍ଧ ଭାବେ ପୂଜା ଅର୍ଚ୍ଚନା କରନ୍ତୁ । ମନେ କରି ରାଧାକୃପାକଟାକ୍ଷ ସ୍ତୋତ୍ର ପାଠ ନିଶ୍ଚୟ କରନ୍ତୁ । ଏହା ସହିତ ଏହି ପବିତ୍ର ଦିନରେ ରାଧା ନାମର ଅଧିକରୁ ଅଧିକ ଜପ କରନ୍ତୁ । ରାଧା ନାମ ଜପ କରିବା ଦ୍ଵାରା ବ୍ୟକ୍ତିର ଜୀବନ ସୁଖମୟ ହୋଇଯାଏ । ରାଧା ନାମ ଜପ କରିବା ଦ୍ଵାରା ସମସ୍ତ ଦେବୀ-ଦେବତାଙ୍କର କୃପା ପ୍ରାପ୍ତ ହୋଇଥାଏ ବୋଲି ଶାସ୍ତ୍ର କୁହେ ।