ମଠମନ୍ଦିରର ପୁନଃରୁଦ୍ଧାର ଠପ୍

କନକ ବ୍ୟୁରୋ: ଝଟକିବ ପୁରୀ, ବଦଳିବ ଶ୍ରୀକ୍ଷେତ୍ରର ରୂପରେଖ । ନୂଆ ରୂପ ପାଇବ ଜଗନ୍ନାଥଧାମ । ମହାପ୍ରଭୁଙ୍କୁ ଦେଖିବାକୁ ଆସୁଥିବା ଭକ୍ତଙ୍କ ସମସ୍ୟା ଦୂର ହେବ । ପୁରୀକୁ ଆସି ଦିବ୍ୟ ଅନୁଭୂତି ନେଇ ଫେରିବେ ଭକ୍ତ । ପୂର୍ବ ସରକାର ଓ ନୂଆ ସରକାର ପୁରୀକୁ ନେଇ କିଛି ଏଭଳି ପରିକଳ୍ପନା କରିଥିଲେ । କିନ୍ତୁ ପରିଣାମ କଣ ? ପୁରୀର ଐତିହ୍ୟ ନଷ୍ଟ ହୋଇଥିବା ବେଳେ ମଠ ମନ୍ଦିର ଅସ୍ତିତ୍ବ ବଞ୍ଚାଇବାକୁ କରୁଛନ୍ତି ସଂଘର୍ଷ । ସରକାର କେବଳ ଭକ୍ତଙ୍କୁ ଖୁସି କରିବାକୁ ନୂଆ ନୂଆ ପ୍ରକଳ୍ପ ଘୋଷଣା କରୁଛନ୍ତି କିନ୍ତୁ ତାହା ଅଧାରେ ଅଟକି ଯାଉଛି । ପୁରୁଣା ସରକାର ପରିକ୍ରମା ପ୍ରକଳ୍ପ ଆଳରେ ମଠ ମନ୍ଦିରକୁ ଭାଙ୍ଗିଲେ । ଅନ୍ୟପଟେ ଓଡ଼ିଆ ଅସ୍ମିତାର ନାରା ଦେଇ ଆସିଥିବା ନୂଆ ସରକାରର ଫୋକସରେ ଏବେ ପୁରୀ। ଶ୍ରୀକ୍ଷେତ୍ରର ସୌନ୍ଦର୍ଯ୍ୟକରଣ ପାଇଁ ସରକାର ବଡ ବଜେଟର ଘୋଷଣା କରିଛନ୍ତି । ହେଲେ ତାହାର ସଫଳ ରୁପାୟନକୁ ନେଇ ବିରାଟ ପ୍ରଶ୍ନବାଚୀ ।

Advertisment

ପୁରୀ ବିକାଶର ସ୍ୱପ୍ନ ଅଧପନ୍ତରିଆ
ଧାର୍ମିକ ମାହୋଲ ସୃଷ୍ଟି ପାଇଁ ପୁରୀରେ ନିବେଶ ହେବ ୧୦୦ କୋଟି ଟଙ୍କା । ହେଲେ ମଠ ମନ୍ଦିରର ପୁନଃରୁଦ୍ଧାର କହି ଚୁପ୍ ରହିଲେ ସରକାର । କାଗଜ କଲମରେ ସୀମିତ ଶ୍ରୀକ୍ଷେତ୍ରର ସୌନ୍ଦର୍ଯ୍ୟକରଣ । ପୂର୍ବ ସରକାର କରିଥିବା ପରିକ୍ରମା ପ୍ରକଳ୍ପ ଏବେ ଅଧପନ୍ତରିଆ ହୋଇ ପଡ଼ି ରହିଛି । ରଘୁନନ୍ଦନ ଲାଇବ୍ରେରୀ ଏଯାଏଁ ତିଆରି ହୋଇପାରିଲାନି ।
ବର୍ଷେ ହେବ ଗଠନ ହୋଇପାରୁନି ପରିଚାଳନା କମିଟି । ନୂ୍ଆ ସରକାରକୁ ୧୪ ମାସ ହେଲାଣି, କିନ୍ତୁ ୧୪ଟି ନୂଆ କାମ ମଧ୍ୟ ପୁରୀ ହୋଇନି । ଲକ୍ଷାଧିକ ଭକ୍ତଙ୍କ ସମାଗମ ହେଉଛି, କିନ୍ତୁ ଭକ୍ତଙ୍କ ପାଇଁ ଆବଶ୍ୟକୀୟ ସୁବିଧା ନାହିଁ । ମଠ ମନ୍ଦିର ଗୋଟିଏ ସ୍ଥାନକୁ ନେବାକୁ ନିଷ୍ପତ୍ତି ହୋଇଥିଲା, ତାହାର ଅଗ୍ରଗତି ଏବେ ବି ଅସ୍ପଷ୍ଟ । ଅସ୍ମିତା କଥା କହି ସରକାରକୁ ଆସିଥିଲେ, ହେଲେ ଅସ୍ମିତା ରକ୍ଷା କରିବାରେ ବିଫଳ ସରକାର ।

ଅଧପନ୍ତରିଆ ଶୀକ୍ଷେତ୍ର ବିକାଶ
ପରିକ୍ରମା ପ୍ରକଳ୍ପ ଅଧାରେ ଅଟକିଛି
ମଠମନ୍ଦିରର ପୁନଃରୁଦ୍ଧାର ଠପ୍
ବହୁତଳ ପାର୍କିଂର ଭବିଷ୍ୟତ ଅନ୍ଧାର
ସାଂସ୍କୃତିକ କେନ୍ଦ୍ର ନିର୍ମାଣ ସରିନି
ମହାପ୍ରସାଦ ସେବନ ମଣ୍ଡପ
ଭଜନ ମଣ୍ଡପ କାର୍ଯ୍ୟ ଅସମ୍ପୂର୍ଣ୍ଣ
ଧ୍ୟାନ କେନ୍ଦ୍ରର ପଡିନି ପୁନାଦି
ମୁଖ୍ୟ ପ୍ରଶାସକ ନିଯୁକ୍ତି କେବେ?