ଏସଡିଏମଙ୍କୁ ମାଡ ମାରି ବିଧାୟକ ଗିରଫ ହେବା ପରେ... ସମର୍ଥକଙ୍କ ପ୍ରବଳ ହଙ୍ଗାମା

କନକ ବ୍ୟୁରୋ: ରାଜସ୍ଥାନ ଟୋଙ୍କରେ ଉପନିର୍ବାଚନ ସମୟରେ ଏସଡିଏମଙ୍କୁ ଚାପୁଡା ମାରିବା ଘଟଣା । ଗିରଫ ହେଲେ ସ୍ୱାଧୀନ ବିଧାୟକ ପ୍ରାର୍ଥୀ ନରେଶ ମୀଣା । ସମର୍ଥକଙ୍କ ପ୍ରବଳ ବିରୋଧ ସତ୍ତ୍ବେ ନରେଶ ମୀଣାଙ୍କ ଗାଁକୁ ଯାଇ ତାଙ୍କୁ ଗିରଫ କରିଛି ପୁଲିସ୍ । ବୁଧବାରର ଘଟଣା ପରେ ରାଜସ୍ଥାନ ଟୋଙ୍କରେ ହିଂସାତ୍ମକ ପରିସ୍ଥିତି ଦେଖିବାକୁ ମିଳିଛି । ଆନ୍ଦୋଳନକାରୀ ମାନେ ବିଭିନ୍ନ ସ୍ଥାନରେ ଜଳାପୋଡ଼ା କରିବା ସହ ଗାଡ଼ି ଭଙ୍ଗାରୁଜା କରିଛନ୍ତି । ପ୍ରାୟ ୧୦୦ରୁ ଅଧିକ ଗାଡ଼ି ଜାଳିଦେଇଛନ୍ତି ଆନ୍ଦୋଳନକାରୀ । ହିଂସା ଏଡ଼ାଇବାକୁ ବ୍ୟାପକ ପୁଲିସ ଫୋର୍ସ ମୁତୟନ କରାଯାଇଛି। 

ସେପଟେ ଏଭଳି ହିଂସାକାଣ୍ଡକୁ ନେଇ ରାଜ୍ୟ ସରକାରଙ୍କୁ ଘେରିଛନ୍ତି ବିରୋଧୀ। ବରିଷ୍ଠ କଂଗ୍ରେସ ନେତା ଅଶୋକ ଗେହଲଟ୍ ରାଜ୍ୟରେ ଆଇନଶୃଙ୍ଖଳା ପରିସ୍ଥିତିକୁ ନେଇ ଭଜନଲାଲ ସରକାରଙ୍କୁ ଅପାରଗତାକୁ ସେ ଦାୟୀ କରିଛନ୍ତି।